2025 ජනවාරි 27, පෙ.ව. 9:37
ඇමරිකාව විසින් පිටුවහල් කළ අනවසර සංක්‍රමණිකයන් රැගත් මිලිටරි ගුවන් යානා දෙකකට ගොඩබැසීමට නොදීම හේතුවෙන් කොළොම්බියාවට එරෙහිව දැඩි පියවර ගැනීමට ජනාධිපති ඩොනල්ඩ් ට්‍රම්ප් කටයුතු කර තිබෙනවා.
ට්‍රම්ප් කියා සිටින්නේ තමන් කොළොම්බියාවෙන් එන භාණ්ඩ සඳහා වහාම ක්‍රියාත්මක වන පරිදි සියයට 25 ක තීරු බද්දක් පනවන බවයි. එමෙන්ම එළඹෙන සතියේ එය සියයට 50 දක්වා ඉහළ නංවන බවට ද ඔහු තර්ජනය කළා.
තවද කොළොම්බියානු රජයේ නිලධාරීන්ට ද එරට පාලක පක්ෂ සාමාජිකයන්ට සහ ඔවුන්ගේ පවුල්වල අයට ද එරෙහිව වීසා තහනමක් ද පනවා තිබෙනවා.
කොළොම් බියානු ජනාධිපති ගුස්ටාවෝ පෙත්‍රෝ මෙම පියවරට ප්‍රතිචාර දක්වමින්, සංක්‍රමණිකයන් යනු අපරාධකරුවන් යයි කෙරෙන ප්‍රකාශය පිළිගත නොහැකි බවත් ඔවුන්ට ගෞරවයෙන් යුතුව සැලකිය යුතු බවත් සඳහන් කළා.
ඔවුන්ව ගෙන ඒමට අවශ්‍ය නම් තම නිල ගුවන් යානය ඇමරිකාවට එවිය හැකි යයි ද පෙත්‍රෝ සඳහන් කළා. ඔහු කියා සිටින්නේ සංක්‍රමණිකයන් ගෙනෙන මිලිටරි යානාවලට ඇතුල් වීමට ඉඩ නොදිය හැකි බවයි.
ඇමරිකාව විසින් නීති විරෝධී සංක්‍රමණිකයන් පිටමං කිරීමට මිලිටරි යානා සහ මිලිටරිය යොදාගන්නේ ඉතිහාසයේ පළමු වතාවටයි.
ජනවාරි 23, 24 සහ 25 දිනවල පිළිවෙලින් 538 ක්, 593 ක් සහ 286 ක් අනවසර සංක්‍රමණිකයන් පිටුවහල් කර ඇතැයි ඇමරිකානු නිල සංඛ්‍යාලේඛන පවසනවා.
2025 අප්‍රේල් 03, ප.ව. 8:58
2025 මාර්තු 31, ප.ව. 5:53
2025 මාර්තු 31, ප.ව. 1:43
2025 මාර්තු 31, ප.ව. 1:15
2025 මාර්තු 31, ප.ව. 1:06