Negative marketing කරලා මිනිස්සු රවට්ටන්න මට ඕනි නෑ ! අපිට හැමෝටම ‘හොඳ’ වෙන්න බෑ… තරින්දිගෙන් ආන්දෝලනාත්මක කතාවක්..

2025 ජූලි 14, පෙ.ව. 12:04

---

---

ගෙවුණු දවස්වල වැඩියෙන්ම කතාබහට ලක්වුණු විවාහ මංගල ඡායාරූප එකතුව, තරින්දි සහ චතුරගෙ විවාහ මංගල ඡායාරූප එකතුව.

දෙන්නම කලා ක්ෂේත්‍රයේ ජනප්‍රියම තරු යුවළක් වන නිසාත්, දෙන්නා පෙම්වතුන් බවටත් ලොකු කතාබහක් තිබුණු නිසාත් ඊට ලැබී තිබුණු සුබපැතුම් සෑහෙන්න.

කොහොම නමුත් ඒ හුදෙක් ෆොටෝශූට් එකක් විතරයි කියලා, ඊයේ තරින්දි වගේම චතුරත් සිය සමාජ මාධ්‍ය ගිණුම් ඔස්සේ දැනුම් දීලා තිබුණා.

ඒ, අදාළ ඡායාරූප එකතුවෙන් දින කිහිපයකට පස්සෙ.

කොහොම නමුත් මේ කතාවත් එක්ක තරින්දිට ආදරේ කරන රසික සමූහයාගේ හිත ටිකක් රිදිලා ඇති හැඩයි.
මේ ඔවුනට කරුණු පැහැදිලි කර තරින්දි තබන ලද සටහනකි….

”සුබ පැතූ , ආශිර්වාද කල සැමට හදවතින්ම ස්තූතියි
මගේ ආදරණීය රසිකයන් නොමග යැවීම කිසිසේත් මෙහි අරමුණක් වී නොමැති බවත් , මෙය විවාහ මංගල්‍යයක් ලෙසම , අනුග්‍රාහකයින් කීප දෙනෙකු සමග එකතුවී සිදු කල bridal shoot එකක් බවත් ආදරයෙන් කියා සිටිමී….
කීපදෙනෙක් මේ සම්බන්ධයෙන් දැඩි විවේචනයන් ඉදිරිපත් කර තිබූ අතර , බොහෝ පිරිස් ඒ දෙස රිනාත්මකව නොබලා ඔවුන්ගේ ආදරය,ආශිර්වාදය එලෙසම ලබා දුන්නා…
Negative marketing කර මිනිසුන් රවටා මට මාවම රවටා ගැනීමට කිසිසේත්ම අවශ්‍ය නැත…
මා හට සාධාරණව ක්ෂේත්‍රය තුල ගමනක් යෑමට අවශ්‍ය ශක්තිය,ධෛර්යය ,හැකියාව ,ආත්ම විශ්වාසය ඇති බව විශ්වාසයෙන් කියමී…
මාගේ චරිත වලට ආදරය කරන ,මා වටා මේ වන තෙක් රැඳී සිටි ආදරණීය රසිකයින්ගෙන් මා ආදරයෙන් ඉල්ලා සිටින්නේ ,මෙය රිනාත්මකව නොදකින ලෙසයි..
මගේ වෘත්තීමය හා පෞද්ගලික ජීවිතේ සම්බන්ධයන් මා ඔබ හා බෙදාගැනීමට කැමති සියලු තතු මා මාගේ නිල Facebook ගිණුමේ සඳහන් කරන අතර , වෙනත් කිසිදු පුද්ගලයෙක් හෝ social media වල share වන තොරතුරු සම්බන්ධයෙන් දෙපාරක් සිතන ලෙස මා හට ආදරය කරන ඔබ සැමගෙන් කාරුණිකව ඉල්ලා සිටිමි….
අවසාන වශයෙන් , අප හට හැම දෙනාටම “හොඳ” විය නොහැක..නැවතත් ඔබ සැමගේ ආදරණීය සුබ පැතුම් අහක නොගිය බවත්, ඉතා වටිනාතමකින් හදවතේ ඉහලම තැනක තබා ඇති බවත් කියන්නට කැමැත්තෙමී…”

---