ලිමන්සාට තාත්තා දැක්ක ගමන් යන ගමනත් අමතක වෙයි (VIDEO)

2024 සැප්‍තැම්‍බර් 16, ප.ව. 6:14

---

---

මෙරට වයස අවුරුදු 19න් පහළ කාන්තා ක්‍රිකට් කණ්ඩායමේ ඔස්ට්‍රේලියානු තරග සංචාරය සඳහා වන සංචිතය පසුගියදා ප්‍රකාශයට පත්කර තිබුණා.

ඒ අනුව එහි නායකත්වය මනුදි නානායක්කාර විසින් හොබවන අතර, උප නායකත්වය හිමිව තිබුණේ රශ්මිකා සෙව්වන්දිට.

එහි තවත් විශේෂත්වයක් තමයි, හිටපු ශ්‍රී ලංකා ක්‍රිකට් නායක තිලකරත්න ඩිල්ශාන්ගේ දියණිය වන ලිමන්සා තිලකරත්න ද මෙම සංචිතයට ඇතුළත් වීම.

එයාකාරයෙන් දියණිය සංචිතයට ඇතුළත් වීම ගැන සුබපතන ගමන් ම කණ්ඩායමටත් ඩිල්ෂාන් සිය සුබපැතුම් එකතු කර තිබුණා.

”ශ්‍රී ලංකා 19න් පහළ කාන්තා ක්‍රිකට් සංචිතයට ඇතුළත් වීම පිළිබඳව අපේ දියණිය ලිමන්සා තිලකරත්නට සුබ පැතුම් !

අපිට ඔයා ගැන ආඩම්බරයි.

ඒ වගේම මේ සාර්ථකත්වයේ වැදගත් කොටසක් වුණු ඔයාගේ අම්මාගේ ඇදහිය නොහැකි සහයෝගයටත් මට ස්තූති කිරීමට අවශ්‍යයි…”

---