“මාධවී දැන් එයාව අයිති කරගෙන..” – කසුන්ගෙන් දුක හිතෙන සටහනක් මුහුණුපොතට

2025 මාර්තු 13, පෙ.ව. 12:09

දෙන්නාගේ ආදර කතාව ලස්සන කරන්න ආව පුංචි පුත් කුමාරයා තමයි කෛලාෂ් කියන්නේ.

මාධවී – කසුන් දෙදෙනාගේ ජීවිත හැඩ කරන්න ආව මේ පුංචි මැණිකට මේ නම් එල්ල වෙන්නේ චෝදනාවක්..?

ඒ එයාගේ අප්පච්චිගෙන්.. කසුන් ඔහුගේ පණටත් වඩා ආදරය කරන ඒ දෙන්නාගේ පුංචි පුතා මේ වෙද්දී නම් අම්මාව අයිති කරගෙනලු..

මේ අන්න ඒ ගැන කසුන් ඔහුගේ මුහුණුපොතට එක්කරලා තිබුණු ආදරණීය සටහනයි..

“ඉස්සර අපි දෙන්නා රට පුරා සංචාර ගියපු තරං. ඒත් දැන් මයෙ ළයාදර බිරින්දෑව කෛලාෂ් පුතණ්ඩියා තනිකරම අයිති කරං. පුත්‍රයා සුරඟන සිරි බල බලා නිදි වෙලාවක් අල්ලලා කොල්ලව මයෙ අම්මට බාරදීලා ඕං අපි දෙන්නා කාලෙකින් ෂොපිං ගියා. අවශ්‍යම දේවල් විතරක් පට පට ගාලා අරං ඩිසි ඩිසි ගාල ආයෙමත් ගෙදර ආවා. අනේ ඒ ටිකටත් සුදු මහත්තයා ඇහැරිලා. එයැයිගෙ අම්මව දැක්ක ගමන් තුරුල්ලට පැනලා මා දිහා බලාගෙන තොල පෙරලං දුක කියන්නා වගේ අඬන්න ගත්තා. නැළවුණේ හිස සිඹලා එයා එක්ක එකදිගට හුරතලේ පෑවට පස්සෙ. ජීවිතේ දැන් තනිකරම වෙනස් වෙලා. මේක අපි දෙන්නටම කුළුඳුල් පරිච්ඡේදයක්. ඒ සිහිලැල් හැඟීම දැනෙන්ට අම්මෙක් අප්පච්චියෙක් වෙන්ටමෝනෙ. මේ තියෙන්නෙ අද අර ගමනෙදි ගත්තු කලබල මතකයක්. ආදරේදි කලබලේ පවා නිස්කලංකයි නේද කියලා හිතෙන්නෙ පුතාගෙ හිනාකට දැක්කමයි ! “