”මට අනුන්ගෙ මිනිස්සු එපා ! මාව බොරුවට කුඩුවලට පටලන්න ගහන ගේමක්…”

2025 මාර්තු 23, පෙ.ව. 12:02

තමන් වාහනය විකුණන ලද්දේ සිය මිතුරියකගේ සැමියාට බවත් ඔවුන් විවාහ වී දරුවන් ද සිටින අය වන බව ජනප්‍රිය නිරූපණ ශිල්පිනි පියුමි හංසමාලි සඳහන් කරනවා.

ඇය මෙලෙස සඳහන් කර ඇත්තේ, සිය සමාජ මාධ්‍ය වෙත සටහනක් එක්කරමින්.

එමෙන්ම මෙය තමන්ව කුඩු මත්ද්‍රව්‍ය සඳහා පැටලවීමට ගන්නා උත්සාහයක් බවත් ඇය සඳහන් කර තිබෙනවා.

පියුමි හංසමාලි මෙම සටහන තබා තිබුණේ, 2023 වසරේ නොවැම්බර් මස 22 වනදා පොලිස් මත්ද්‍රව්‍ය නාශක කාර්යාංශය විසින් අත්අඩංගුවට ගත් ප්‍රබල කොකේන් මත්ද්‍රව්‍ය ජාවාරම්කරු සහ ඇය අතර සම්බන්ධයක් පැවති බවට විමර්ශනවලදී කරුණු අනාවරණයවී ඇතියි පළ කෙරුණු සඳහනට ප්‍රතිචාර ලෙසයි.