ඉතුරුම් පොලී අනුපාතවලට කුමක් වෙයි ද? එකවරම ගත්ත තීරණයක් මෙන්න

2024 මැයි 11, පෙ.ව. 10:47

---

---

මුදල් රාජ්‍ය අමාත්‍ය රංජිත් සියඹලාපිටිය මහතා විශේෂ ප්‍රකාශයක් සිදු කළා.

ඒ ජ්‍යේෂ්ඨ පුරවැසියන්ගේ ඉතුරුම් පොලී අනුපාත සම්බන්ධ පැහැදිලි විශ්ලේෂණයක් සිදුකිරීමට ජනාධිපතිවරයා විසින් තමා වෙත උපදෙස් ලබාදුන් බවයි.

ඒ අනුව ඒ මහතා පැවසුවේ ජ්‍යේෂ්ඨ පුරවැසියන්ගේ ඉතුරුම් සඳහා වර්ෂයකට බිලියන 80ක් පමණ මුදලක් අවශ්‍ය වන බවයි.

එමෙන්ම, මීට පෙර එලෙස ලබාදුන් මුදල් සඳහා මහා භාණ්ඩාගාරයෙන් රුපියල් බිලියන 105ක් ණයක් ගෙවීමට ඇති බව අමාත්‍යවරයා කියා සිටියා.

මේ සම්බන්ධයෙන් ජනාධිපතිවරයා ඉතා උනන්දුවෙන් හා සංවේදීව කටයුතු කරන බවත්, විවිධ වයස් තලයන්ගේ පොලි ප්‍රතිශතයන් පිළිබඳව ලැබෙන විවිධ ඉල්ලීම් සියල්ලම සලකා බලා මේ ගැන විශ්ලේෂණයක් සිදුකරන බවත් රංජිත් සියඹලාපිටිය මහතා සඳහන් කළා.

කෙසේ වෙතත්, වැඩිදුරටත් අදහස් දක්වමින් ඒ මහතා පැසුවේ රට තුළ මේ මොහොතේ පවතින මුදල් ප්‍රවාහ පිළිබඳව ද සැලකිලිමත් වෙමින් ඒ අනුව පැහැදිලි වාර්තාවක් ලබාදීමට පියවර ගන්නා බවයි.

---