අවුරුද්දට මත්පැන්හල් වසාදැමීම තව පැය කිහිපයකින්

2024 අප්‍රේල් 11, ප.ව. 2:32

එළැඹෙන සිංහල හා දෙමළ අලුත් අවුරුද්ද නිමිත්තෙන් දින දෙකක් සුරාසැල් වසාදැමෙන බව සුරාබදු දෙපාර්තමේන්තුව නිවේදනය කරනවා.

ඒ අනුව හෙට (12) සහ අනිද්දා (13) යන දෙදින තුළ සියලුම මත්පැන් අලෙවිසැල් වසාදැමෙනු ඇති.

මත්පැන් අලෙවිසැල් විවෘත කිරීමේ වේලාවන් සංශෝධනයෙන් පසුව උදෑසන 8 සිට රාත්‍රී 10 දක්වා එම ස්ථාන විවෘතව තැබෙනවා.

මේ අනුව තව පැය කිහිපයකින් පසුව දින දෙකක් සඳහා දිවයිනේ පිහිටි සියලුම සුරාසැල් වසාදැමීමට නියමිතයි.