අග්බෝ වන අලියා සෙවීමේ මෙහෙයුමට ශ්‍රී ලංකා යුද්ධ හමුදාවේ විශේෂ කණ්ඩායමක් එක්වෙයි

2026 ඔක්‍තෝබර් 18, ප.ව. 5:16

---

---

ජනාධිපති අනුර කුමාර දිසානායක මහතාගේ උපදෙස් සහ ආරක්‍ෂක ලේකම් එයාර් වයිස් මාර්ෂල් සම්පත් තුයියකොන්තා (විශ්‍රාමික) ගේ නියෝග මත අග්බෝ වන අලියා සොයා මෙහෙයුමක් දියත් කිරීම සඳහා ශ්‍රී ලංකා යුද්ධ හමුදාව විසින් විශේෂ කණ්ඩායමක් යොදවා තිබේ. පරිසර අමාත්‍යවරයා විසින් කරන ලද ඉල්ලීමකට අනුව මෙම පියවර ගෙන ඇත.

ඒ අනුව, අනුරාධපුර දිස්ත්‍රික්කයේ තිරප්පනේ ප්‍රදේශයේ වනගත භූමිය තුළ අග්බෝ වන අලියා සොයා වනජීවී නිලධාරීන් සමඟ එක්ව ශ්‍රී ලංකා යුද්ධ හමුදා සාමාජිකයන් 30 දෙනෙකුගෙන් සමන්විත බලඇණියක් මෙහෙයුම්වල නිරතව සිටියි.

අග්බෝ වන අලියා කඩිනමින් සොයාගෙන එම සත්වයාගේ ආරක්‍ෂාව තහවුරු කිරීමේ අරමුණින් යුද්ධ හමුදා කණ්ඩායම වහාම යෙදවීමට ආරක්‍ෂක ලේකම්වරයා විසින් උපදෙස් ලබා දී ඇත.

---