ඇමරිකා බද්ද අඩු කරගන්න හැකියාව සීමිතයි…- චතුරංග

2025 ජූලි 29, පෙ.ව. 12:13

---

---

ඇමරිකාව විසින් පනවා ඇති තීරු බදු සම්බන්ධයෙන් වන සාකච්ඡා සෙසු ප්‍රබල රටවල් සමග සාපේක්ෂව සාර්ථක කරගැනීමට ශ්‍රී ලංකාවට ඇත්තේ සීමිත හැකියාවක් බව කර්මාන්ත නියෝජ්‍ය ඇමති චතුරංග අබේසිංහ මහතා සඳහන් කරයි.

ඊට හේතුව රටක් ලෙස ශ්‍රී ලංකාවට ඇමරිකාව වෙත යෝජනා කිරීමට විශාල දෙයක් නොමැති වීම බවත් ඔහු කියා සිටී.

වැඩසටහනක් අවසානයේ මාධ්‍ය ෙවත අදහස් දක්වමින් ඒ මහතා මේ බව කියා සිටියේය.

කෙසේ වෙතත් දැනට ශ්‍රී ලංකාව වෙත පනවා ඇති තීරු බද්ද තවදුරටත් අඩු කර ගැනීමට අදාළ සාකච්ඡා තවදුරටත් ක්‍රියාත්මක වෙයි.

ඇමරිකාව විසින් පනවා ඇති නව තීරු බදු අගෝස්තු මස පළමුවෙනිදා සිට ක්‍රියාත්මක වීමට නියමිතව ඇත.

මේ වන තෙක් දෙරට අතර ඒකාබද්ධ ප්‍රකාශයක් හෝ වෙලද ගිවිසුමක් සම්බන්ධයෙන් තොරතුරු වාර්තා නොවෙයි.

---