දුරකතනයට ඇබ්බැහි වූ තරුණයා සිය දිවි හානි කර ගනී

2023 සැප්‍තැම්‍බර් 28, පෙ.ව. 1:10

තෙල්දෙණිය රෝහලේ ප්‍රතිකාර ගනිමින් සිටිය දී පස්වන මහලින් පැන සියදිවි හානි කරගත් 18 හැවිරිදි තරුණයා දෙම්පියන් විසින් ජංගම දුරකතනය ලබා ගත්තේ යැයි උරණ වී පිහියකින් ශරීරය කපා ගෙන ප්‍රචණ්ඩ ලෙස හැසිරීමෙන් පසු විශාදය තත්ත්වයට පත්ව රෝහල් ගතකර තිබෙන බව පරීක්ෂණ මගින් අනාවරණය වී තිබෙනවා.

මෙම තරුණයා දිනකට පැය 18ක පමණ කාලයක් දුරකතනය සමඟ ගත කරමින් සිට ඇති අතර ඒ සම්බන්ධයෙන් දෙමව්පියන් අවවාද කළ අවස්ථාවේ තමන්ගේ ශරීරයට අවස්ථා කිහිපයක දී තුවාල සිදු කරගෙන තිබෙන බව වාර්තා වෙනවා.

පන්විල කන්දේකුඹුර ප්‍රදේශයේ පදිංචි හර්ෂණ ලක්ෂාන් දිල්රුක්ෂ නැමැති මෙම තරුණයා රෝහලේ පස්වන මහලින් බිමට පනින්ට පෙර ලිපියක් ද ලියා තිබෙන බව පොලීසිය පවසයි.

පවුලේ කිසිවෙකු හෝ සමඟ සම්බන්ධතා නොපවත්වමින් මෙම තරුණයා හුදකලාව ජංගම දුරකතන ක්‍රීඩා වල නිරත වීමට ඇබ්බැහි වී ඇතැයි හෙළිව තිබෙනවා.

රෝහලේ ප්‍රතිකාර ලබමින් සිටි රෝගියෙකු පස්වන මහලින් බිමට පැන සියදිවි හානිකර ගැනීම සම්බන්ධයෙන් පරීක්ෂණයක් පවත්වා වාර්තාවක් ලබාදෙන ලෙස මහනුවර දිස්ත්‍රික් ප්‍රාදේශීය සෞඛ්‍ය සේවා අධ්‍යක්ෂ සේනක තලගල මහතා රෝහල් පරිපාලනයට දැනුම් දී තිබෙනවා.