සියලු රාජ්‍ය ආයතන වෙත චක්‍රලේඛයක්

2026 ඔක්‍තෝබර් 26, පෙ.ව. 12:08

---

---

සියලු රාජ්‍ය ආයතන වෙත චක්‍රලේඛයක් නිකුත් කර ඇත.

PHP පරිඝණක භාෂාව භාවිතයෙන් සංවර්ධනය කරන ලද වෙබ් අඩවි සහ වෙබ් යෙදුම්වල පවතින ආරක්ෂක දුර්වලතා නිරාකරණය කිරීම සම්බන්ධයෙන් සියලු රාජ්‍ය ආයතන වෙත, ඩිජිටල් ආර්ථික අමාත්‍යාංශය විසින් එම චක්‍රලේඛය නිකුත් කර ඇත.

සියලුම අමාත්‍යාංශ ලේකම්වරුන්, සියලුම පළාත් සභා ප්‍රධාන ලේකම්වරුන්, කොමිෂන් සභා ලේකම්වරුන්, සියලුම දෙපාර්තමේන්තු ප්‍රධානීන්, සියලුම සංස්ථා, ව්‍යාවස්ථාපිත ආයතන සහ රජය සතු සමාගම්වල ප්‍රධානීන් වෙත මෙම චක්‍රලේකය නිකුත් කර ඇත.

මෙරට 70% කට වැඩි රාජ්‍ය ආයතන වෙබ් අඩවි හා වෙබ් යෙදුම් සංවර්ධනය කිරීමට මෙම PHP පරිඝනක භාෂාව යොදාගෙන ඇති අතර වෙබ් අඩවි සහ වෙබ් යෙදුම් සංවර්ධනය කිරීම සඳහා බහුලව භාවිත වන PHP පරිඝනක භාෂාවට අදාළව හඳුනාගෙන ඇති ආරක්ෂක දුර්වලතා කෙරෙහි වහාම අවධානය යොමු කරන ලෙස ඩිජිටල් ආර්ථික අමාත්‍යාංශය සියලුම රජයේ ආයතන වෙත දැනුම් දී ඇත.

මෙම ආරක්ෂක දුර්වලතා හේතුවෙන්, අනවසරයෙන් පද්ධති වෙත ප්‍රවේශ වීමේ, දත්ත සොරකම් කිරීමේ සහ ක්‍රියාකාරීත්වයට බාධා ඇති වීමේ දැඩි අවදානමක් පවතින බවත් අදාළ චක්‍රලේඛයේ සඳහන් වේ.

---