‍රනිල් එක කෝල් එකක් දුන්න නම් ඇමරිකාව බදු අයින් කරනවා – රාජිත

2025 අප්‍රේල් 10, පෙ.ව. 12:05

---

---

රනිල් වික්‍රමසිංහ මහතා තවමත් ජනාධිපතිවරයා ලෙස කටයුතු කරන්නේ නම්, ශ්‍රී ලංකාවට එක්සත් ජනපදය අපනයනය කරන භාණ්ඩ සඳහා පනවා ඇති 44% ක තීරුබදු එක දුරකථන ඇමතුමකින් ඉවත් කිරීමට අවස්ථාවක් ලබා ගත හැකිව තිබූ බව හිටපු අමාත්‍ය රාජිත සේනාරත්න පවසනවා. 

යූ ටියුබ් නාලිකාවක් සමඟ සම්මුඛ සාකච්ඡාවකට එක්වෙමින් හිටපු අමාත්‍යවරයා කියා සිටියේ, ට්‍රම්ප් පරිපාලනය අතරතුර බිලියනපති ව්‍යවසායක එලොන් මස්ක්ගේ උපදෙස් මත මෙම තීරුබදු පනවා ඇති බවයි.

එලොන් මස්ක් හිටපු ජනාධිපති රනිල් වික්‍රමසිංහගේ සමීපතම මිතුරෙකු බවත්, ශ්‍රී ලංකා අපනයනකරුවන්ට සහන සාකච්ඡා කිරීම සඳහා ශක්තිමත් මිත්‍රත්වය භාවිතා කළ හැකිව තිබූ බවත් රාජිත සේනාරත්න සඳහන් කළා.

වික්‍රමසිංහ තවදුරටත් ජනාධිපතිවරයා නොවන බැවින් ශ්‍රී ලංකාවට එම අවස්ථාව අහිමි වූ බවයි ඔහු අවධාරණය කරන්නේ.

44% ක බද්ද සම්පූර්ණයෙන්ම ඉවත් කළ නොහැකි වුවද, වික්‍රමසිංහ ධුරයේ රැඳී සිටියේ නම් එය අවම වශයෙන් 24% දක්වා අඩු කළ හැකිව තිබූ බව  රාජිත සේනාරත්න මහතා වැඩිදුරටත් කියා සිටියා.

---