සහල් මිලේ වෙනසක්?

2024 ජූලි 20, පෙ.ව. 12:02

ඉදිරි සතිය තුළ සහල් මිලෙහි වෙනසක් විය හැකි බව සුළු හා මධ්‍ය පරිමාණ වී මෝල් හිමියන්ගේ සංගමය පවසනවා.

එහි සභාපති යූ.කේ. සේමසිංහ මහතා සඳහන් කළේ කර්මාන්ත අංශයේ විදුලි ගාස්තු 25% කින් පහළ දැමීමට සාපේක්‍ෂව මෙලෙස සහල් මිල අඩු කිරීමට බලාපොරෙත්තු වන බවයි.

විදුලි ගාස්තු අඩු කිරීමත් සමඟ සහල් නිෂ්පාදන පිරිවැය පහළ ගිය බවත් ඒ අනුව, එහි වාසිය ජනතාවට ලැබිය යුතු බවත් සේමසිංහ මහතා පෙන්වා දෙනවා.

ඒ අනුව, රුපියල් 210ක පැවැති නාඩු සහල් කිලෝවක මිල රුපියල් 200කට අඩු මිලකට ගෙන ඒමට උත්සහ කරන බව ඔහු සඳහන් කළා.

තවත් දේශීය පුවත්