hit counter

2024 ජූලි මස 13 වන සෙනසුරාදා

2024 ජූනි 18, පෙ.ව. 8:25



පසුගිය වසරේදී රජයේ පාසල්වල පළමු ශ්‍රේණියට ඇතුළත් වූ දරුවන්ගේ සංඛ්‍යාව පෙර වසර දෙක හා සසඳන විට දාහත් දහස් එකසිය පහකින් අඩු වී තිබෙන බව වාර්තා වනවා.

පසුගිය වසරේ පළමු ශ්‍රේණියට ඇතුළත් වූ දරුවන්ගේ සංඛ්‍යාව දෙලක්ෂ අසූ හත්දහසක් වූ අතර 2021 වසරේ එම සංඛ්‍යාව තුන් ලක්ෂ හාර දහස් එකසිය පහක් වූ බවයි පැවසෙන්නේ.

2021 වසරට සාපේක්ෂව 2022 වසරේ එම සංඛ්‍යාව දෙලක්ෂ අනූ දෙදහස් පන්සිය දාහතක් දක්වා එනම් එකොළොස් දහස් පන්සිය අසූ අටකින් අඩු වී තිබෙනවා.

පළමු ශ්‍රේණියට ඇතුළත් වන දරුවන්ගේ මෙම අඩු වීම සම්බන්ධයෙන් දැඩි අවධානයක් යොමු කර ඇති අධ්‍යාපන ඇමැති ආචාර්ය සුසිල් ප්‍රේමජයන්ත මහතා පසුගිය පස් වසරක කාලයට අදාළව ඉපදුණු දරුවන්ගේ සංඛ්‍යා දත්ත සම්බන්ධයෙන් අධ්‍යයනයක් කිරීමට තීරණය කර තිබෙන බවයි පැවසෙන්නේ.

ඒ අනුව අමාත්‍යවරයා කියා සිටියේ, මානව සම්පත් කළමනාකරණය සම්බන්ධයෙන් ඉදිරියේදී වැඩි අවධානයක් යොමු කිරීමට සිදු වන බවයි.

මේ අතර, වයස අවුරුදු හතර සම්පූර්ණ වූ සියලු දරුවන් පෙර පාසල්ගත කිරීමේ වැඩපිළිවෙළ ලබන ජනවාරි මාසයේ සිට ආරම්භ කිරීමට ද අමාත්‍යාංශය තීරණය කර ඇති අතර, ඒ සඳහා පෙර පාසල්වල ඉඩ නොමැති නම් රජයේ පාසල්වල ඉඩ ලබා දීමටද නියමිතව ඇත.





ලිපිය සමග සම්බන්ධ නවතම පුවත්: