සජබෙට ආපු දයාශ්‍රිතගේ මූණටම සජිත් කිව්ව අමුතු කතාව

2024 ජනවාරි 04, ප.ව. 1:58

---

---

වරදාන, වරප්‍රසාද, ප්‍රතිලාභ, තනතුරු සහ දේශපාලන පංගු මත ක්‍රියාත්මක වන දේශපාලන ගනුදෙනු සමගි ජන බලවේගය සහ සමගි ජන සන්ධානය සම්පුර්ණයෙන්ම ප්‍රතික්ෂේප කර ඇති බවත් මේ එකතු වන සියලු දෙනාම එකතු වන්නේ කොන්දේසි විරහිතව ප්‍රශස්ත ප්‍රබුද්ධ දේශපාලනයක් ක්‍රියාත්මක කිරීමට බවත් විපක්ෂ නායක සජිත් ප්‍රේමදාස මහතා පවසනවා.

මේ රටේ ක්‍රියාත්මක වූ දේශපාලන සංගීත පුටු හරඹ පැත්තකට දමා ‘තමන්ට පෙර රට සහ තමන්ට පෙර ජනතාව’ යන උදාර සංකල්පය මත පදනම්ව පවුල් වාදයෙන් තොරව ජනතාවාදයෙන් යුත් දේශපාලන ප්‍රතිපත්තිමය ගමනක් යන්නට මේ සන්ධානය ඇති කරන බවද විපක්ෂ නායකවරයා කියා සිටියා.

ඔහු මේ බව කියා සිටියේ අද (4) සමගි ජන බලවේග සන්ධානය සමඟ එක්වීමට හිටපු පාර්ලිමේන්තු මන්ත්‍රිවරයකු මෙන්ම හිටපු අමාත්‍යවරයකු වූ දයාශ්‍රිත තිසේරා මහතා පැමිණි අවස්ථාවට එක්වෙමින්.

එහිදී ඔහුට නාත්තන්ඩිය ආසන සංවිධායක ධුරය ද පිරිනැමීමට විපක්ෂ නායක සජිත් ප්‍රේමදාස මහතා අතින් සිදු උනා.

එහි දී වැඩිදුරටත් අදහස් දැක්වූ විපක්ෂ නායකවරයා කියා සිටියේ සජබ හැම විටම මානුෂීය ධනවාදයත් යුක්තිය සාධාරණත්වය හා සමාජ යුතුකම ඉටු කරන සමාජ ප්‍රජාතන්ත්‍රවාදයත් යන මාර්ග 2 මුසු කර ගෙන සමබර මැද මාවතක ගමන් කරමින් සිටින බවයි.

වරදාන වරප්‍රසාද ලබන සුන්දර ගමනක් නොව අමාරු ගමනක් යන බවත් එහි දී තමන්ගේ අයට වඩා ජනතාව ගැන සිතිය යුතු බවත් ඔහු වැඩිදුරටත් කියා සිටියා.

---