2026 ජූනි 05, පෙ.ව. 9:10
ශ්රී ලංකා හෙල්ල විසිකිරීමේ ශූර රුමේෂ් තරංග ඉතාලියේ රෝම නුවර පැවති ‘ඩයමන්ඩ් ලීග්’ මලල ක්රීඩා තරගාවලියේදී ඉතිහාසගත දක්ෂතාවක් ප්රදර්ශනය කරමින් නව තරගාවලි වාර්තාවක් පිහිටුවීමට සමත්විය.
මෙම ඉසව්වේදී රුමේෂ් තරංග මීටර් 92.62ක දුරක් විසිකරමින් මෙම සුවිශේෂී දක්ෂතාව වාර්තා කළේය.
23 හැවිරිදි රුමේෂ් දැක්වූ දක්ෂතාව, නව තරගාවලි වාර්තාවක් මෙන්ම 2026 වසරේ ලොව හොඳම හෙල්ල විසිකිරීම විය.
රුමේෂ් මෙහිදී අබිබවා යනු ලැබුවේ මීට වසර 20කට පෙර එනම්, 2006 දී නෝර්වීජියානු ක්රීඩක ඇන්ඩ්රියාස් තෝර්කිල්ඩ්සන් විසින් මීටර 90.34 ක දුරක් විසිකරමින් පිහිටුවා තිබූ තරග වාර්තාවයි.
ශ්රී ලංකා මලල ක්රීඩා ඉතිහාසයේ මීටර් 90ට වඩා වැඩි දුරක් හෙල්ල විසිකළ පළමු හා එකම අවස්ථාව මෙය වන අතර, හෙල්ල විසිකිරීමේ ඉසව්වෙන් ආසියානු ක්රීඩකයෙකු දැක්වූ දෙවැනි හොඳම දක්ෂතාව වේ.
එහි පෙරමුණේ පසුවන පාකිස්තානයේ අර්ෂාඩ් නදීම් අවසන්වරට පැවති පැරිස් ඔලිම්පික් උළෙලේදී මීටර් 92.97ක දක්ෂතාවක් දැක්වූ අතර, ඔහු හා රුමේෂ් අතර ඇත්තේ සෙ.මී. 35ක් වැනි සුළු වෙනසකි.
එමෙන්ම හෙල්ල විසිකිරීමෙන් මීටර් 90 සීමාව පසු කළ සිව්වන ආසියානු ක්රීඩකයායි.
තවද රුමේෂ්ගේ මෙම දක්ෂතාව ලෝක හෙල්ල විසිකිරීමේ වාර්තා අතර ලොව 8වැනි හොඳම විසිකිරීම විය.
කෙසේ නමුත් රුමේෂ් දැක්වූ දක්ෂතාව හෙල්ල විසිකිරීමේ ක්රීඩකයෙකු වසර 4කට වැඩි කාලයක් තුළ මීටර් 92ට වඩා විසිකළ දෙවන අවස්ථාව පමණක් වේ.
රුමේෂ් බිඳහෙලනු ලැබුවේ ඔහුගේම ශ්රී ලංකා වාර්තාව වන අතර, ඔහු ඉකුත් මාර්තු මාසයේ මෙරට පැවති තරගයකදී මීටර් 89.37ක දක්ෂාතාවයි.
2026 ජූනි 04, ප.ව. 9:12
2026 ජූනි 03, පෙ.ව. 12:23
2026 ජූනි 01, ප.ව. 10:14
2026 ජූනි 01, පෙ.ව. 12:18
2026 මැයි 30, පෙ.ව. 6:12