බංගලියන්ට පොඩි සිංහ ප්‍රහාරයක්

2024 දෙසැම්‍බර් 04, පෙ.ව. 1:17

---

---

වයස 19න් පහළ ආසියානු කුසලානයේ අවසන් පූර්ව වටයට සුදුසුකම් ලැබීමට ශ්‍රී ලංකා වයස අවුරුදු 19න් පහළ කණ්ඩායම සමත් විය.

මූලික වටයේ සහභාගි වූ තරග 3 ජය ගෙන ශ්‍රී ලංකා වයස අවුරුදු 19න් පහළ කණ්ඩායම අවසන් පූර්ව වටයට සුදුසුකම් ලබා ගත්තේය.

එහිදි බංග්ලාදේශයට එරෙහිව පැවැති තරගයෙන් ශ්‍රී ලංකා වයස අවුරුදු 19න් පහළ කණ්ඩායම ලකුණු 7ක ජයක් වාර්තා කළා.

තරගයේ ප්‍රථමයෙන් පන්දුවට පහරදුන් ශ්‍රී ලංකා වයස අවුරුදු 19න් පහළ කණ්ඩායම පන්දුවාර 49.2කදී සියලු දෙනා දැවී ලකුණු 228ක් ලබා ගත්තේය.

විමත් දින්සර පන්දු 132කින් ලකුණු 106ක් ලබා ගත්තා.

පිළිතුරු ඉනිම ක්‍රීඩා කළ බංග්ලාදේශ වයස අවුරුදු 19න් පහළ කණ්ඩායම පන්දු 49.3කදී සියලුදෙනා දැවී ලබා ගත්තේ ලකුණු 221ක් පමණි.

Kalam Siddiki ලකුණු 95ක් රැස්කළාය.

විහස් තෙව්මික ලකුණු 37කට කඩුලු 3ක් දවා ගත්තේය.

ශ්‍රී ලංකා වයස අවුරුදු 19න් පහළ කණ්ඩායම අපරාජිත අවසන් පූර්ව වටයට පිවිසිම ද විශේෂත්වයක්.

---