දරුවන් වෙනුවෙන් දැඩි තීරණයක් ගනී.. පළමු වැනිදා සිට සියල්ල තහනම්

2025 ඔක්‍තෝබර් 02, ප.ව. 2:16

---

---

2026 අප්‍රේල් (01) වනදා සිට ක්‍රියාත්මක වන පරිදි පාසල් සිසුන් හා කුඩා දරුවන් වෙනුවෙන් විශේෂ තීරණයක් ගෙන ඇත.

ඒ අනුව 2026 අප්‍රේල් (01) වනදා සිට පාසල් සිසුන් හා කුඩා දරුවන් භාවිත කරන ප්ලාස්ටික් බෝතල්, කෑම පෙට්ටි වැනි ප්ලාස්ටික් උපකරණ නිෂ්පාදනය කිරීම සහ වෙළෙඳපළට නිකුත් කිරීමේදී SLS සහතිකය තිබීම අනිවාර්යය බව වෙළෙඳ, වාණිජ, ආහාර සුරක්ෂිතතා අමාත්‍ය වසන්ත සමරසිංහ සඳහන් කරයි.

එදින සිට නියමිත ප්‍රමිතියෙන් තොර නිෂ්පාදන විකිණීම සම්පූර්ණයෙන් තහනම් වන බවත් කුඩා දරුවන්ට දියර කිරි ලබාදීම සඳහා භාවිත කරන ප්ලාස්ටික් බෝතල් මෙන්ම පාසල් සිසුන් භාවිත කරන කෑම පෙට්ටි හා වතුර බෝතල් විවිධ මිල ගණන් යටතේ වෙළෙඳපොළ තුළ අලෙවි කරන බව අමාත්‍යවරයා සඳහන් කරයි.

ඇතැම් ප්ලාස්ටික් උපකරණවල නියමිත ප්‍රමිති සහතිකය හෝ භාවිත කිරීමට සුදුසු බවට සඳහන් කිසිදු සලකුණක් දක්නට ලැබෙන්නේ නැති බවත් පාරිභෝගික සේවා අධිකාරියේ තොරතුරු වලට අනුව ඇතැම් නිෂ්පාදනවල පිළිකා කාරක අඩංගු බවටද කරුණු අනාවරණ වී ඇති බවද සඳහන් කරයි.

ඒ අනුව 2026 අප්‍රේල් (01) වැනිදා සිට ආහාර හා දියර වර්ග ගඩඩාකළ හැකි ප්‍රමිතියෙන් තොර ප්ලාස්ටික් භාණ්ඩ නිෂ්පාදනය කිරීම හා අලෙවි කිරීම තහනම් කිරීම වෙළෙඳ, වාණිජ, ආහාර සුරක්ෂිතතා සහ සමූපකාර සංවර්ධන අමාත්‍යංශය මෙලෙස පියවර ගෙන ඇත.

සිය අමාත්‍යංශයේ පැවති ප්‍රවෘත්ති සාකච්ඡාවකට එක්වෙමින් අමාත්‍ය වසන්ත සමරසිංහ මේ බව සඳහන් කරයි.

---