පීඩන අවපාතය හෙට පස්වරුවේ දී දිවයින තුළට

2026 ජනවාරි 08, පෙ.ව. 11:30

---

---

පීඩන අවපාතය හෙට (09) පස්වරුවේ දී හම්බන්තොට සහ කල්මුණය ප්‍රදේශයෙන් දිවයිනට ඇතුල් විය හැකි බව කාලගුණවිද්‍යා දෙපාර්තමේන්තුවේ අධ්‍යක්ෂ ජනරාල්, අතුල කරුණානායක මහතා පවසයි.

අයහපත් කාලගුණ තත්ත්වය පිළිබඳ දැනුම්දීමේ විශේෂ මාධ්‍ය සාකච්ඡාව අමතමින් ඒ මහතා මේ බව පැවසීය.

එමෙන්ම එම පීඩන අවපාතය මේ වන විට  දිවයිනේ නැගෙනහිර වෙරළේ පොතුවිල් ප්‍රදේශයට ගිනිකොණ දිශාවෙන් කිලෝ මීටර 350ක් පමණ ඇතින් ස්ථානගත වී ඇති බව ඒ මහතා පෙන්වා දෙයි.

එබැවින් ධීවර හා නාවික ප්‍රජාවට එම කටයුතුවලින් වැළකී සිටින ලෙස දැනුම් දෙයි.

---