‘යහපාලන බැදුම්කර වංචාවේ මුදල් ජවිපෙටත් දුන්නා..’ – උවිදු ලන්ඩනයේ සිට

2026 ජනවාරි 25, පෙ.ව. 12:09

---

---

යහපාලන සමයේ සිදුවූ බවට චෝදනා එල්ලවන බැඳුම්කර වංචාවෙන් ලබා ගන්නා ලද මුදල් ජනතා විමුක්ති පෙරමුණට ද ලබා දුන් බව මාධ්‍යවේදී උවිඳු කුරුකුලසූරිය මහතා සඳහන් කරයි.

එවකට හිටපු මහ බැංකු අධිපති අර්ජුන මහේන්ද්‍රන සමග මෑතකදී දුරකථන සංවාදයක් ද සිදු කර තිබූ කුරුකුලසූරිය මහතා මෙම සටහන තම සමාජ ජාල ගිණුමේ තබා තිබේ.

“මම ලංකාවෙ මහා පරිමාණයෙන් හොරකම් කළා කියනව අයව ආශ්‍රය කරල තියෙනව වගේම තාමත් ඇසුරු කරනව​. ඒ අයව කිසිම උසාවියක වරදකරුවන් කරලත් නැහැ. ඒ අය ඇසුරු කිරීමෙන් මම ඉඟෙන ගත්ත දේ තමයි;

“හොරකම් කරනව නම්, නීතිපති දෙපාර්තමේන්තු ගොඩනැගිල්ල, සුප්‍රිම් කෝට් ගොඩනැගිල්ලේ සිට ලංකාව පුරා විසිරිල තියෙන අධිකරණවල ගොඩනැගිලිවල මාකට් වැලිව් එකටවත් වඩා හොරකම් කරන්න ඕන කියන එක​.”

එතකොට තමා නඩු කල් දදා මැරෙනකම් ඉන්න පුළුවන්.

ඔය නාමල් එහෙම පොර ටෝක්ස් දෙන්නෙ ඒකනෙ. 

මම ලංකාවෙ සහ තවත් රටක දූෂණය ගැන ජනමාධ්‍යවේදීන්, ඒ වගේම සිවිල් සමාජ නායකයින් පුහුණු කරන්න මොඩියුල් හදන්න සහභාගි වුණ කෙනෙකු ලෙස කියන්නෙ ඔය ටික​. ඒ අයව අල්ලන්න ලංකාව වගේ රටකට ශක්තිය හෝ හැකියාව නැහැ. මැතිවරණ වේදිකාවල දෙන කයිය හෝ වහසිබස් විතරයි.  

දැන් අනුර වටෙත් යාලුවො විදියට කීදෙනෙක් ඉන්නවද ආණ්ඩුවක් මිළදී ගන්න හැකි අය​. උදාහරණයකට කියනව නම්, අර්ජුන මහේන්ද්‍රන්ව මහ බැංකු අධිපති කරල රනිල් දෙපාරක් බොන්ඩ් හොරකම් කළෙත් මෛත්‍රිපාල සිරිසේනගෙ ජනාධිපතිවරණයට ගත්ත ණය ගෙවන්නත්, දෙවෙනි බොන්ඩ් වංචාව කළේ මහ මැතිවරණයට සල්ලි හොයන්න​. ඒ සල්ලිවලින් කොටසක් ජවිපෙටත් ගියා. 

ජනාධිපති කොමිසමේ හිටපු විසුරුවරුන් කිව්ව​, මේ බැඳුම්කර සීන් එක අඩුගානෙ 2007 දි සිට හෝ සිදුවෙලා තියෙනව​. ඒ ගැන ෆොරෙන්සික් ඔඩිට් එකක් කරන්න කියල​. 

සිරිසේන ඒක කළෙත් නැහැ, ගෝට ඒක කළෙත් නැහැ, රනිල් ජනාධිපති වෙලා ඒක කළෙත් නැහැ. ඇයි අනුරතුමා හෝ දැන් ඒ පරීක්‍ෂණ නොකරන්නේ? මට තියෙන ප්‍රධාන ප්‍රශ්නයක් ඒක.

ඉතුරු ටික මම පසුව ලියන්නම්!”

---