උණුසුම් පිළිගැනීමක් මැද අගමැති නාලන්දා විද්‍යාලයට

2026 ජනවාරි 26, ප.ව. 2:20

---

---

කොළඹ නාලන්දා විද්‍යාලයේ 100 වන සංවත්සරය නිමිත්තෙන් ඉදි කෙරුණු නවෝත්පාදන ගොඩනැඟිල්ලේ “ධර්මා ගුණසිංහ මන්දිරය” අද දින අග්‍රාමාත්‍ය ආචාර්ය හරිනි අමරසූරිය සුරතින් විවෘත වුණා.

නාලන්දා විද්‍යාලයේ ස්වර්ණමය යුගයක් බිහි කළ කීර්තිමත් හිටපු විදුහල්පතිවරයෙකු වූ ධර්මා ගුණසිංහට උපහාර පිණිස මෙය ඉදිකරනු ලැබුවා.

මෙම ගොඩනැගිල්ලේ සියලු වැඩ අවසන් කිරීමට ඇස්තමේන්තුගත මුදල රැපියල් මිලියන 600ක්.

මෙම අවස්ථාව සඳහා කර්මාන්ත නියෝජ්‍ය අමාත්‍ය චතුරංග අබේසිංහ, ප්‍රවීණ ක්‍රිකට් ක්‍රීඩක මහේල ජයවර්ධන හා පාර්ලිමේන්තු මන්ත්‍රීවරුන් ඇතුළු ආදි නාලන්දීයන් සහ සම්භාවනීය පිරිසක් සහභාගී වී සිටියා.

---