ජනතාව වෙනුවෙන් සුඛෝපභෝගී බස් රථ 200ක් ආනයනය කරයි

2026 මැයි 08, පෙ.ව. 12:18

---

---

මෙරට අධිවේගී මාර්ග සඳහා සහ දුර ගමන් සේවා සඳහා සුඛෝපභෝගී බස් රථ 200ක් ආනයනය කිරීමට රජය පියවර ගෙන ඇත.

ඊට අදාළ ප්‍රසම්පාදන ක්‍රියාවලිය මේ වන විට ආරම්භ කර ඇති බව ශ්‍රී ලංකා ගමනාගමන මණ්ඩලයේ වැඩබලන ප්‍රධාන විධායක නිලධාරී එම්.ඒ.එන්. ධම්මික රත්න සඳහන් කරයි.

දීර්ඝ නිවාඩු දිනවල සහ උත්සව කාලවලදී කොළඹ සිට ගම්බිම් බලා යන ජනතාවගේ ප්‍රවාහන අවශ්‍යතා සපුරාලීම මෙහි අරමුණ බවද වැඩබලන ප්‍රධාන විධායක නිලධාරී එම්.ඒ.එන්. ධම්මික රත්න සඳහන් කරයි.

එම බස් රථ වලින් 170ක් පමණ ආනයනය කරනු ලබන්නේ අධිවේගී මාර්ගවල සේවා සඳහා යෙදවීමට බවත් සෙසු බස් රථ කොළඹ සිට අනෙකුත් දුර ගමනාන්ත සඳහා යොදවනු ඇති බව සඳහන් කරයි.

---