අසභ්‍ය චිත‍්‍රපට නිලියන් ලංකාවේ.. මෙරට අසභ්‍ය වීඩියෝ නිර්මාණ වේගයෙන් ඉහලට..

2026 මැයි 12, පෙ.ව. 10:18

---

---

විදෙස් අසභ්‍ය චිත්‍රපට ගණනාවක රංගනයෙන් දායක වී ඇති ප්‍රසිද්ධ නිරූපිකාවක මේ දිනවල ශ්‍රී ලංකාවේ සංචාරයක නිරත වීම සමාජ මාධ්‍ය තුළ දැඩි කතාබහකට ලක්ව තිබේ.

ඇය මෙරට රැඳී සිටින කාලය තුළ අන්තර්ජාල නාලිකා සහ YouTube ක්‍රියාකාරීන් කිහිපදෙනෙකු සමඟ සාකච්ඡාවලට ද එක්ව ඇත.

මෑත කාලය තුළ මෙලෙස අසභ්‍ය වීඩියෝ ක්ෂේත්‍රයේ නිරත විදෙස් ශිල්පීන් කිහිපදෙනෙකුම ශ්‍රී ලංකාවේ සංචාරය කර ඇති අතර, එය මෙරට ඇතැම් පාර්ශ්වයන්ගේ විශේෂ අවධානයට ලක්වූ කරුණක් විය.

මේ අතර, ශ්‍රී ලංකාව තුළ සිට ජාත්‍යන්තර අසභ්‍ය වෙබ් අඩවි සඳහා වීඩියෝ උඩුගත කරන්නන්ගේ ප්‍රමාණය ද පසුගිය කාලය පුරා සැලකිය යුතු ලෙස ඉහළ ගොස් ඇති බව වාර්තා විය.

එවැනි වීඩියෝ නිෂ්පාදනය කරන ස්ථාන කිහිපයක්ම පොලිසිය විසින් වටලනු ලැබූ අතර, ඊට සම්බන්ධ පුද්ගලයන් කිහිපදෙනෙකු ද අත්අඩංගුවට ගනු ලැබීය.

මෙරට ප්‍රසිද්ධ පොදු ස්ථානයක අසභ්‍ය වීඩියෝ රූගත කිරීමක නිරත වූ යුවළක් පොලිසිය විසින් අත්අඩංගුවට ගත් අතර, පසුව ඔවුන් අධිකරණයට ඉදිරිපත් කිරීමෙන් අනතුරුව ඇප මත නිදහස් වූ බව ද වාර්තා විය.

---