වාහන ගන්න එක තාවකාලිකව නවත්වන්න වෙනවා..- ජනපති

2026 මැයි 15, පෙ.ව. 12:17

---

---

 රජයට වාහන ගැනීම තාවකාලිකව නතර කිරීමට පියවර ගන්නා බව ජනාධිපති අනුර කුමාර දිසානායක මහතා ප්‍රකාශ කළේය.

ජනාධිපතිවරයා මේ බව අවධාරණය කළේ නුවරඑළිය දිස්ත්‍රික් සම්බන්ධීකරණ කමිටු රැස්වීමට සහභාගී වූ අවස්ථාවේදීය.

රටේ පවතින ආර්ථික තත්ත්වය සහ විදේශ විනිමය කළමනාකරණය පිළිබඳව අදහස් දක්වමින් ජනාධිපතිවරයා මෙහිදී පෙන්වා දුන්නේ රජයේ වියදම් පාලනය කිරීම සඳහා මෙවැනි තීරණයක් ගැනීමට සිදු වූ බවයි.

විශේෂයෙන්ම, මැයි මාසය සඳහා ඉන්ධන ආනයනය වෙනුවෙන් පමණක් රජයට ඇමරිකානු ඩොලර් මිලියන 550ක මුදලක් වැය කිරීමට සිදු වී ඇති බවත්, මේ හේතුවෙන් ඉන්ධන භාවිතය යම් ප්‍රමාණයකට සීමා කිරීමට ද සිදු වන බවත් හෙතෙම සඳහන් කළේය.

ඉන්ධන සඳහා වැය වන මෙම විශාල පිරිවැය හමුවේ රටේ ආර්ථිකය ස්ථාවරව පවත්වා ගැනීම සඳහා අනවශ්‍ය වියදම් කපා හැරීම අත්‍යවශ්‍ය බව ජනාධිපතිවරයා වැඩිදුරටත් ප්‍රකාශ කර සිටියේය.

ඒ අනුව, ඉදිරි කාලසීමාව තුළ රජය සඳහා වාහන ගැනීම තාවකාලිකව අත්හිටුවීමට කටයුතු කරන බව ඔහු පැවසීය.

---