මේ අංශයේ රාජ්‍ය සේවකයන් 2000ක පුරප්පාඩු

2026 මැයි 28, පෙ.ව. 12:09

ශ්‍රී ලංකාවේ සියලුම බන්ධනාගාර පද්ධතිය තුළ මේ වන විට නිලධාරීන් 2,000කට ආසන්න බරපතළ පුරප්පාඩු සංඛ්‍යාවක් පවතින බව බන්ධනාගාර අභ්‍යන්තර ආරංචි මාර්ග අනාවරණය කරයි.

පවතින මෙම දැඩි සේවක හිඟය හේතුවෙන් බන්ධනාගාරවල දෛනික පරිපාලන කටයුතු, ආරක්ෂක විධිවිධාන මෙන්ම රැඳවියන් කළමනාකරණය කිරීමේ කටයුතු ද ඉතා අසීරු තත්ත්වයකට පත්ව ඇති බව වාර්තා වේ.

මේ පිළිබඳව අදහස් දක්වමින් අධිකරණ සහ ජාතික ඒකාබද්ධතා අමාත්‍ය නීතිඥ හර්ෂණ නානායක්කාර මහතා ප්‍රකාශ කළේ, පසුගිය 2022 වසරේ සිට මේ දක්වා බන්ධනාගාර දෙපාර්තමේන්තුව සඳහා කිසිදු නව නිලධාරියෙකු බඳවා ගැනීමට කටයුතු කර නොමැති බවයි.

දිගු කලක් තිස්සේ පවතින මෙම ගැටලුව හේතුවෙන් දැනට සේවයේ නියුතු නිලධාරීන්ට ද දැඩි සේවා පීඩනයකට මුහුණ දීමට සිදුව ඇත.