WhatsApp අලුත් වෙයි

2026 ඔක්‍තෝබර් 01, පෙ.ව. 12:10

---

---

WhatsApp සිය Android යෙදුම (app) ප්‍රතිනිර්මාණය කරමින් පවතින අතර, එහිදී ‘නැවිගේෂන් බාර්’ (navigation bar) එක නව පෙනුමකින් යුතුව සකස් කිරීමටත්, දැනට පවතින ‘පාවෙන බොත්තමක්’ (floating button) ලෙස නොව එම බාර් එකේම කොටසක් ලෙස Meta AI ඇතුළත් කිරීමටත් නියමිතය.

GSM Arena වාර්තා කරන පරිදි, මෙම ප්‍රතිනිර්මාණ කටයුතු තවමත් මූලික සංවර්ධන අදියරේ පවතින අතර, දැනට පවතින අනුවාදය (version) අවසාන එක ලෙස නොසැලකේ.

සංවර්ධන අදියරේ පවතින අනුවාදයෙන් ලබාගත් රූපවල Meta AI බොත්තම ස්ථාන දෙකක දිස්වන බව දැකගත හැකි අතර, ඉන් අදහස් වන්නේ එහි නිශ්චිත පිහිටීම පිළිබඳව තවමත් කටයුතු සිදුවෙමින් පවතින බවයි. නව නැවිගේෂන් බාර් එක වඩාත් ඕවලාකාර (oval-shaped) සහ පාරදෘශ්‍ය (transparent) පෙනුමකින් යුක්ත වනු ඇතැයි අපේක්ෂා කෙරේ.

මෙම නිර්මාණය WhatsApp හි iOS අතුරුමුහුණතේ (interface) ඇතැම් ලක්ෂණ ද අනුගමනය කරන බවක් පෙනෙන්නට තිබුණද, Android අනුවාදය තුළ iOS අනුවාදයේ ඇති මට්ටමේම පාරදෘශ්‍යභාවයක් භාවිතා නොකරන බව පෙනේ.ප්‍රතිනිර්මාණය කරන ලද නැවිගේෂන් බාර් එකේ ‘ඩාර්ක් මෝඩ්’ (dark mode) අනුවාදයක් ද මේ වන විට සංවර්ධනය වෙමින් පවතී.

මෙම මූලික නිර්මාණය Android සඳහා වන WhatsApp beta අනුවාදය 2.26.38.10 හි දක්නට ලැබුණු අතර, එය දැනට යෙදුමේ beta වැඩසටහනට (beta programme) සම්බන්ධ වී සිටින පරිශීලකයින්ට ලබා ගත හැකිය.

කෙසේ වෙතත්, මෙම ප්‍රතිනිර්මාණය තවමත් මහජන භාවිතය සඳහා නිකුත් කිරීමට සූදානම් නැත. GSM Arena ට අනුව, පුළුල් ලෙස නිකුත් කිරීමට සුදුසු මට්ටමේ අනුවාදයක් වෙත WhatsApp ළඟා වීමට පෙර තවත් සති කිහිපයක් පුරා සංවර්ධන කටයුතු සිදු විය හැකිය.

---