රජිනි කාන්ත් රඟපාන “ජේලර්” ආදයම් වාර්තා තබයි

2023 අගෝස්‍තු 11, ප.ව. 11:46

---

---

සුපිරි නළු රජිණි කාන්ත් රඟපාන “ජේලර්” චිත්‍රපටය පළමු දිනයේම ආදායම් වාර්තා තැබීමට සමත් වූ බව වාර්තා වනවා.

නෙල්සන් දිලිප්කුමාර් අධ්‍යක්ෂණය කළ මෙම චිත්‍රපටය අගෝස්තු 10 වනදා තිරගතවීම ඇරඹූ අතර ඊට පෙර රජිනි කාන්ත් රසිකයෝ සිනමා ශාලා අසළ රැස්ව රතිඤ්ඤා දල්වමින්, බෙර වයමින් සිය සතුට පළ කළා.

පළමු දිනයේම “ජේලර්” ආදායම ඉන්දියාව තුළදී ඉන්දීය රුපියල් කෝටි 49 ක් පමණ වේ යයි අනුමාන කරනු ලැබ තිබුණා. එයින් අඩක් පමණ තමිල් නාඩුව තුළ ආදායමයි. මීට අමතරව කර්ණාටකයේදී ඉන්දියානු රුපියල් කෝටි 11 ක අදායමක් ද ආන්ද්‍රා සහ තෙලන්ගනා හිදී කෝටි 7 ක ආදායමක් ද ලැබී යයි අනුමාන කෙරෙනවා. මෙම චිත්‍රපටය වඩාත්ම ජනප්‍රිය වන්නේ දකුණු ඉන්දියාවේ යි.

මීට අමතරව විදෙස්ගත ඉන්දියානුවන් අතර ද “ජේලර්” පිළිබඳ අවධානය යොමුව තිබුණා. ඒ අනුව ඇමරිකාවෙන් සහ අනෙකුත් රටවලින් ද සැලකියයුතු ආදායමක් චිත්‍රපටය මගින් ලැබී තිබෙනවා.

මේ අනුව පළමු දිනයේ ලොව පුරා සමස්ථ ආදායම ඉන්දියානු රුපියල් කෝටි 100 ක් ආසන්න වූ බවයි සඳහන් වන්නේ.

---