ජපානයෙන් සඳ වෙත ස්නයිපර් යානයක්

2023 සැප්‍තැම්‍බර් 07, ප.ව. 10:59

ජපානය විසින් අද දින සඳ වෙතට යානයක් පිටත් කර හැරියා. සඳ ගවේෂණය සඳහා වන සුහුරු ගොඩබසිනය යන අරුතින් Smart lander for Investigating Moon (SLIM) ලෙස නම් කර ඇති එම යානය “ස්නයිපර්” යනුවෙන් ද හැඳින්වෙනවා. එම යානය ඉලක්කගත ස්ථානයෙන් මීටර් 100 ක් පමණ ඇතුලත ගොඩබැස්වීමට අපේක්ෂා කරන බැවින් එම නම යොදා තිබෙනවා.

සඳ මත ගොඩබැසීමේ දී සාමාන්‍ය යානයක් බලාපොරොත්තු වන ස්ථානයේ සිට කිලෝමීටර කිහිපයක් තුළ ප්‍රදේශයක ගොඩබැස්විය හැකියි. විවිධ හේතූන් මත මෙසේ ගොඩබසින්නට බලාපොරොත්තු වන ස්ථානයටම හරියටම ගොඩබැසීම පහසු නැහැ. කෙසේ වෙතත් ජපන් යානය ඉතා ආසන්න වශයෙන් බලාපොරොත්තු වන ස්ථානයට ළඟා වේ යයි අපේක්ෂා කෙරෙනවා.