”ලීව සින්දු ඔක්කොම ගත්තාම එකසිය පනහක් විතර තියෙනවා. ඒත් මට මම ගීත රචකයෙක් කියලා හිතෙන්නෙත් නෑ”

2025 ජූනි 06, පෙ.ව. 12:07

‘උපුල් ශාන්ත සන්නස්ගල’ එහෙමත් නැත්නම් ‘සන්නා’ කියූ සැනින් මතක් වන කාරණා මහ හුඟක් තියෙනවා.

හුරුපුරුදු ටියුෂන් ගුරුවරයාගෙන් එහාට ගියාම,,, අපූරු නවකතා රචකයෙක්, ගීත රචකයෙක්, අධ්‍යක්ෂවරයෙක්, සමාජ මාධ්‍ය බලපෑම්කරුවෙක් ඇතුළු භූමිකා කිහිපයක් එක්කම ‘සන්නා’ නාමය කියවෙනවා.

ඒ අතර ගීත රචකයා හරි විශේෂයි.

අපේ හදවත්වලට දැනුණු නිර්මාණ රැසක්, ඔහුගේ රචනයන්.

ගෙවුණු දවසක සන්නා සිය ‘රසබර ගීත මතක’ ගැන මුහුණු පොතේ මෙලෙස සටහනක් තබා තිබුණා…..

”ඔයා ලීව සින්දු ටිකක් එවන්න පොඩි වැඩකට’ කියලා විප්‍රවාසී යාළුවෙක් වට්සැප් මැසේජයක් දාල තිබුණා.

එයා මම ඉතා හොඳින් දන්න කෙනෙක්.

‘සිරස’ නාලිකාවේ ‘ආදරේ එක්ක තුන් පැයක්’ ප්‍රෝගැම් එකත් ‘දෙරණ’ නාලිකාවේ ‘හීන ඇහිදින යාළුවෝ’ ප්‍රෝගැම් එකත් රෙකෝඩ් කරලා තියාගෙන ඉන්න කෙනෙක්.

ඒ අතර ‘කැසට් තරිදු! ඇවිත් මං ලීව සින්දු විස්සක් තිහක් තියෙන කැසට් ටිකක් පෙන්නුවා.

ලීව දේ නෙවෙයි ලියැවුණු දේ ඇතුළේ මොකක් දෝ සිද්ධ වෙනවා කියලා හිතෙනවා.

ලීව සින්දු ඔක්කොම ගත්තා ම එකසිය පනහක් විතර තියෙනවා.

ඒත් මට මම ගීත රචකයෙක් කියලා හිතෙන්නෙත් නෑ. වෙන කාටවත් එහෙම හිතෙනවා ද කියලා ඇත්තටම මම දන්නෙත් නෑ.

01.ඔබ හීනයක් වගේ හාදු වැස්සක් අරන්- දීපිකා ප්‍රියදර්ශනී පීරිස්

02.ඔබ එන්න ඔබ ඇවිත් ඇවිත් යන්න එන්න- මොරිස් බානු විජේසිංහ