ලෝකයේ කළු සල්ලි වලින් ලංකාව 80 වැනි ස්ථානයට.!

2025 ජූලි 28, පෙ.ව. 12:03

ලොව කළු සල්ලි සුදු කිරීම සම්බන්ධයෙන් ජාත්‍යන්තර මූල්‍ය අරමුදල විසින් කරන ලද ශ්‍රේණිගත කිරීමකට අනුව ශ්‍රී ලංකාව 80 වැනි ස්ථානය හිමිව ඇතැයි ⁣වාර්තා වෙයි.

ලෝකයේ රටවල් 164 ක් යොදාගෙන මෙම ශ්‍රේණිගත කිරීමට සිදුකර තිබේ.

එම ශ්‍රේණිගත කිරීමෙන් අනතුරුව නිකුත් කළ මූල්‍ය අරමුදලේ නවතම වාර්තාව අනුව ලෝක ආර්ථිකයේ සංසරණය වන මුදල්වලින් 2% ත් 5% ත් අතර මුදලක් කළු සල්ලි බවද වාර්තා වෙයි.

එසේම කළු සල්ලි ජාවාරම සම්බන්ධව ඉහළම අවදානම ඇති රට ලෙස වාර්තා වන්නේ හයිටි දේශයයි. එහි අවදානම් ශ්‍රේණිය 8.25% කි.

අඩුම අවදානම ලෙස ඇති රට ලෙස වාර්තා වන්නේ අයිස්ලන්තයයි. එහි අවදානම් ශ්‍රේණිය 1.17% කි.

මෙම ශ්‍රේණිගත කිරීමේදී ශ්‍රී ලංකාවට හිමිවී ඇති අවදානම් ශ්‍රේණිය 5.28% කි.මෙම ශ්‍රේණිගත කිරීමට අදාළ නවතම දත්ත පසුගිය දා සංචාරක නියෝජ්‍ය අමාත්‍ය රුවන් රණසිංහ මහතා පාර්ලිමේන්තුවේදී ද ඉදිරිපත් කළේය.