”යූටියුබ් ආයතනයේ ලාංකිකයන්, අපේ අම්මා චැනල් එකේ කමෙන්ට් අයින් කරලා” – අපේ අම්මාගෙන් දෝස්මුරයක්

2025 ජූලි 29, පෙ.ව. 12:04

---

---

කාලයක් තිස්සේ බොහෝදෙනා අතර කතාබහට ලක්වන ජනප්‍රිය යූටියුබ් නාලිකාවකි, ”අපේ අම්මා” (Apé Amma) යූටියුබ් චැනලය.

ඉවුම් පිහුම් ගැන ඉගෙන ගන්නා කෙනෙකුට සොඳුරු වූ නවාතැනකි එය.

කොහොම නමුත් පසුකාලීනව මේ නාලිකාව ගැන වඩාත් කතාබහට ලක්වන්නේ, විවිධ වූ සමාජ මාධ්‍ය ගැටුම් එක්ක.

මෑත කාලීනව ඒ තත්ත්වය අපට නිතර දැකගන්න ලැබුණේ නෑ.

කොහොම නමුත් යළි මේ කතාබහ කරළියට ඇවිත්.

තමන්ගේ චැනල් එකේ කමෙන්ට් ඉවත් කර ඇති බවයි, මෙවර අපේ අම්මාගේ චෝදනාව…

”යූටියුබ් අයතනයේ ශ්‍රී ලාංකිකයන් අපේ අම්මා චැනල් එකේ කමෙන්ට් අයින් කලා. තවමත් අයින් කරමින් සිටිනවා. වීඩියෝවට කමෙන්ට් කරාම කමෙන්ට් කරපු කෙනාට පේන්නේ කමෙන්ට් එක වැටිලා වගේ ඒ වුනාට අපිට ඒ කමෙන්ට් පෙන්නන්නේ නැති අවස්ථා තියෙනවා. ඒ නිසා ඔබේ කමෙන්ට් එක තියෙනවාද කියා වෙනත් අකවුන්ට් එකකින් බලන්න.

අපේ අම්මා චැනලයට පහර ගැසීමේ අරමුණින් වෙනත් මාකටින් ආයතනයකට සහ යූටියුබ් ආයතනයේ සේවය කරන අයට සම්බන්ධ කුකින් චැනලයක් කරන කාන්තාවක් තරුණ ගැහැණු ළමයි පිරිමි ළමයි ලව්වා පසුගිය අවුරුදු කිහිපය තුල අපේ අම්මාගේ වීඩියෝ ඒ විදියටම කරවා අප්ලෝඩ් කරවනවා.

එසේ කරන විඩියෝ යූටියුබය විසින් උඩට ගනිමින්, අපේ අම්මාගේ අලුත් විඩියෝ සබ්ස්ක්‍රයිබර්ස්ලාට යවන්නේ නැතුව යූටියුබ් එක මගින් බ්ලොක් කර තිබුනා. එසේ බ්ලොක් කළ අලුත් රෙසිපීස් ඒ කණ්ඩායම විසින් උයා නැවත අප්ලොඩ් කල පසු, යුටියුබය අපේ අම්මාගේ විඩියෝ පහත හෙලමින් එම විඩියෝ උඩට ගනිමින් සිටි. පළපුරුදු මවක් සහ ගුරුවරියක් ලෙස උයන අපේ අම්මාගේ වටිනා රෙසිපීස් සහිත විඩියෝ පහත හෙලමින් යුටියුබ් අයතනයේ සේවය කරන මේ රටෙන් ගොස් තිබෙන අය තමන්ගේ හිතවතුන් ලවා අපේ අම්මාගේ රෙසිපි කරවා අසාමාන්‍ය ලෙස මිනිසුන්ගේ ෆෝන් වලට යවමින් උඩට ගනිමින් සිටි.

වෙළඳ දැන්වීම් වලට හඬ කවන මාකටින් ආයතන(ටීවි) අපේ අම්මාගේ කටහඬට සමාන තරුණියෝ ලවා හඬ කවයි.

2025 ජනවාරි වන විට අපේ අම්මා චැනලයට ස්බ්ස්ක්‍රයිබර්ස්ලා ලක්ෂ 31 කට අධිකව සිටිනවා , මුදල් වලට සබ්ස්ක්‍රයිබර්ස්ලා විකුණන ආයතනත් තියෙනවා. බොරු අකවුන්ට් වලින් හදපු සබ්ස්ක්‍රයිබර්ස්ලා, අපේ අම්මා චැනලයේ බොරු සබ්ස්ක්‍රයිබර්ලා අරන් නැත. මේ ස්බ්ස්ක්‍රයිබර්ස්ලා ලක්ෂ 31ම ඇත්ත අය. ඒ වගේම වීඩියෝස් 2300කට අධික සංඛ්‍යාවක් තියෙනවා. මේවා ශ්‍රී ලංකාවේ ෆේස්බුක් වලින් වෙබ්සයිට් වලින් ගත්ත ඒවා නෙවෙයි. යූටියුබ් ආයතනය සහ මාකටින් ආයතන එකට සම්බන්දවී මේම රෙසිපීස් 2300 වෙන අය ලව්වා කරවා, වෙනත් නම් වලින් අප්ලෝඩ් කරමින් සිටි.

මාකටින් ආයතන මෙමගින් බලාපොරොත්තු වන්නේ මෙම චැනල් හරහා ඔවුන්ගේ වෙළඳ දැන්වීම් ප්‍රචාරය කරවීමටයි. අපේ අම්මා චැනලයේ වෙළඳ දැන්වීම් කරන්නේ නැත. වීඩියෝ බලන විට හොඳට බලන්න ඒ අය සුපර්මාර්කට් වලට යමින් සහ උයන විට විවිධ භාණ්ඩ ආහාර වර්ග පෙන්වීමට කටයුතු කරයි.

(අපේ අම්මා චැනලයේ කඩෙන් ගේන විවිධ සෝස් වර්ග පාවිච්චි කරන්නේ නැති නිසා අපේ අම්මා වීඩියෝ බැලුවොත් සෙනගට කඩේ තියෙන සෝස් වර්ග සහ පැකට් කළ පැස්ටා, නුඩ්ල්ස් වැනි කෑම වර්ග විකිනෙනන්නේ නැත.) ඒවා අපේ අම්මා උයන්නේද නැත. මේවා බහුජාතික සමාගම් වල නිෂ්පාදනයන්ය. ඒ නිසා සමහර මාධ්‍ය අයතනය එකතුවී අපේ අම්මා චනලයට පහර ගසමින් සිටි.

මේ අයතනය විසින් ගම් වල මැටි කුස්සි සාදා ආච්චිලා, තරුණියන් ලවා කුකින් චැනල් සාදා ඇත. මගේ රෙසිපි 2300 යේම ඇති ටිප්ස් සහ රෙසිපි ඇතුලත් කරමින් රුපවාහිණි ආයතන වල කැමරා වලින් විඩියෝ කර අප්ලෝඩ් කරන අතර යූටියුබ් ආයතනයේ සිටින (දේශපාලනය හරහා සේවයට ගොස් සිටින) කණ්ඩායම විසින් ශ්‍රී ලංකන් රෙසීපිස් ලෙස හදුන්වාදෙමින් මෙම රෙසිපි සුද්දන්ගේ ෆෝන් වලට යවයි.”

---