“අපිට උදව් උපකාර එපා – තවත් අම්මා කෙනෙකුට මේ වගේ දුකක් නොවෙන්න මුන්ට දඩුවම් කරන්න” – මුළු ගමම මළගෙයක් කරමින් චමෝදිගේ නිසල දේහය නිවසට (VIDEO)

2023 ජූලි 13, ප.ව. 5:10

---

---

උදරාබාධයක් හේතුවෙන් පේරාදෙණිය ශික්ෂණ රෝහලට පෙරේදා (11) ඇතුළත් කරන ලද 21 හැවිරිදි තරුණියක එන්නතක් ලබා දී සුළු වේලාවකට පසු මියගොස් තිබෙනවා.

මියගොස් ඇත්තේ පොත්තපිටිය අලගල්ල ප්‍රදේශයේ පදිංචි චමෝදි සංදීපනි මධුෂිකා ජයරත්න නමැති තරුණියක්.

උදරාබාධය හේතුවෙන් පසුගිය 10 වැනිදා කැටපිටිය රෝහලට ඇතුළත් කළ තරුණිය පසුදින ගිලන් රථයකින් ඇගේ මව සමග පේරාදෙණිය රෝහලට මාරු කර එවා තිබෙනවා.

හදිසි ප්‍රතිකාර ඒකකයට පෙරවරු 9.00ට පමණ ඇතුළත් කළ තරුණිය දහවල් 12.30 ට පමණ හතේ වාට්ටුවට යොමුකර තිබෙනවා.

එහි ප්‍රතිකාර ලබමින් සිටිය දී හෙදියක විසින් එන්නත් දෙකක් ලබා දීමෙන් පසු තම දරුවා එක් වරම නිල් පැහැ වී මරණයට පත් වූ බව තරුණියගේ මව වන මායා ඉන්ද්‍රානි මහත්මිය පැවසුවා.

ඇයගේ දේහයට අවසන් ගෞරව දැක්වීමට ඇයගේ මිතුරු මිතුරියන් විශාල ප්‍රමාණයක් ඇයගේ නිවසට පැමිණියා.

---