කමල් ගුණරත්නගේ ‘ලොවීනා‘ එළිදකී

2023 ජූලි 17, ප.ව. 3:33

---

---

ආරක්‍ෂක ලේකම් ජෙනරාල් කමල් ගුණරත්න මහතා විසින් රචනා කරන ලද නවතම ගීතය පසුගියදා (14) ගල්කිස්ස හෝටලයේදී සිදු වුණා.

‘ලොවීනා ‘ නමින් අලුතින් එළිදක්වන ලද ගීතය ඓතිහාසික ගල්කිස්ස මහ හෝටලය හි නිර්මාණයට පසුබිම් වූ සත්‍ය කතාවක් ඇසුරින් රචනා කර ඇත.

ගීතය ගායනා කරනු ලබන්නේ චිත්‍රාල් සෝමපාල සහ අනුරාධී පෙරේරා විසින්.

වෘත්තියෙන් ප්‍රවීණ හමුදා නිලධාරියෙකු වූ ජෙනරල් ගුණරත්න මහතා විශිෂ්ට ගී පදරචකයෙක්, කවියෙක් සහ ගත් කතුවරයෙක්ද වෙනවා.

ඔහු ගීත 25කට අධික ප්‍රමාණයක් රචනා කර තිබෙනවා.

ඔහුගේ ගීත සඳහා තේමා ප්‍රධාන වශයෙන් දේශප්‍රේමය මෙන්ම ආදරය සහ සෙනෙහස ඇතුළත් වෙනවා.

හිටපු නාවික හමුදාපති අද්මිරාල් නිශාන්ත උළුගේතැන්න, කොතලාවල ආරක්‍ෂක විශ්වවිද්‍යාලයේ උපකුලපති මේජර් ජෙනරාල් මිලින්ද පීරිස්,යුධ හමුදාපති ලුතිනන් ජෙනරාල් විකුම් ලියනගේ, ගුවන් හමුදාපති එයාර් මාර්ෂල් උදේනි රාජපක්ෂ, ජාතික බුද්ධි ප්‍රධානී මේජර් ජෙනරල් රුවන් කුලතුංග (විශ්‍රාමික), ආනන්ද විද්‍යාලයේ විදුහල්පති ලාල් දිසානායක මහතා, කමල් අද්දරආරච්චි, චන්න විජේවර්ධන, ශ්‍රියන්ත මෙන්ඩිස් ඇතුළු ප්‍රවීණ කලාකරුවන් විශාල පිරිසක් සහ ගල්කිස්ස හෝටලයේ සභාපති සනත් උක්වත්ත මහතාද මෙම අවස්ථාවට සහභාගී වුණා.

---