ඩොලරය හමුවේ රුපියල තවදුරටත් පල්ලම් බහී

2026 සැප්‍තැම්‍බර් 16, ප.ව. 12:42

---

---

අඟහරුවාදා දිනයට සාපේක්ෂව අද (16) දිනයේදී ශ්‍රී ලංකාවේ වාණිජ බැංකුවල එක්සත් ජනපද ඩොලරයට සාපේක්ෂව ශ්‍රී ලංකා රුපියලේ අගය තවදුරටත් පහළ ගොස් තිබේ. ඒ අනුව, ඇතැම් වාණිජ බැංකුවල ඩොලරයේ විකුණුම් අනුපාතිකය රුපියල් 336 සීමාව ඉක්මවා ගොස් ඇත.

සෙලාන් බැංකුවේ ඩොලරයේ ගැනුම් අනුපාතිකය රු. 325.15 සිට රු. 325.75 දක්වා ඉහළ ගොස් ඇති අතර, විකුණුම් අනුපාතිකය රු. 334.40 සිට රු. 335.00 දක්වා ඉහළ ගොස් තිබේ.

NDB බැංකුවේ ඩොලරයේ ගැනුම් අනුපාතිකය රු. 325.00 සිට රු. 327.50 දක්වාත්, විකුණුම් අනුපාතිකය රු. 334.00 සිට රු. 336.50 දක්වාත් ඉහළ ගොස් ඇත.

මහජන බැංකුවේ ඩොලරයේ ගැනුම් අනුපාතිකය රු. 325.93 සිට රු. 327.91 දක්වා ඉහළ ගොස් ඇති අතර, විකුණුම් අනුපාතිකය රු. 334.01 සිට රු. 336.04 දක්වා ඉහළ ගොස් තිබේ.

වාණිජ බැංකුවේ ඩොලරයේ ගැනුම් අනුපාතිකය රු. 323.35 සිට රු. 326.08 දක්වාත්, විකුණුම් අනුපාතිකය රු. 333.25 සිට රු. 336.00 දක්වාත් ඉහළ ගොස් ඇත. සම්පත් බැංකුවේ ඩොලරයේ ගැනුම් අනුපාතිකය රු. 326.00 සිට රු. 328.00 දක්වා ඉහළ ගොස් ඇති අතර, විකුණුම් අනුපාතිකය රු. 334.00 සිට රු. 336.00 දක්වා ඉහළ ගොස් තිබේ.

---