ලබන අවුරුද්දේ වාහන ගෙන්නන්න අවසර දුන්නත් මිල අඩුවෙන්නේ නැතිලු – මිල තවත් වැඩිවෙයිලු

2024 මාර්තු 16, පෙ.ව. 12:03

එළඹෙන වසරේ සිට ක්‍රමානුකූලව පුද්ගලික වාහන ආනයනය කරන බව රජය පැවසුවත් එසේ ආනයනය කරන වාහනවල වෙළඳපොළ මිල ගණන් ඉහළ යනු ඇති බව වාහන ආනයනකරුවන් කියා සිටිනවා.

පසුගිය ජනවාරි මාසයේදී තීරු බදු අනුපාතයන් සැලකිය යුතු වෙනස්කම් වලට ලක් කර ඇති අතර එහි ප්‍රතිඵලයක් ලෙස වාහන ආනයකිරීමේ පිරිවැයද සැලකිය යුතු ලෙස ඉහළ ගොස් ඇතැයිද ඔවුන් පෙන්වා දෙනවා.

මෙම තත්ත්වය මත නැවත වාහන ආනයනය ආරම්භ කළද දැනට වෙළඳපළේ පවතින වාහන වල මිල ගණන්ද ඉහළ යනු ඇති බවත් ඔවුන් අවධාරණය කරනවා.