2022 දෙසැම්‍බර් 22, ප.ව. 4:23
මහියංගන රක්ෂිත ප්‍රදේශයක ගල්ලෙනක තිබූ වළගම්බා රජ්ජුරුවන්ට අයත් බව කියන පෞරාණික වටිනාකමින් යුත් අසිපතක් රුපියල් ලක්ෂ 40 මුදලකට විකිණීමට පැමිණි පුද්ගලයන් දෙදෙනෙක් එම අසිපත සමඟ අත්අඩංගුවට ගත් බව පානදුර වලාන මධ්‍යම දුෂණ මර්ධන ප්‍රහාරක ඒකකය පවසනවා.
අසිපත අල්ලන කොටස මකරෙකුගේ රුව කින් සමන්විත අතර, එහි දිග අඟල් 23 ක් කඩුව ඇණහිටී වන අතර බර ග්‍රෑම් 750ක් බව පොලිසිය සඳහන් කරනවා.
එම ඒකකයේ අධ්‍යක්ෂ සහකාර පොලිස් අධිකාරි උදය කුමාර මහතාට ලද තොරතුරකට අනුව පොලිස් නිලධාරීන් ගැනුම්කරුවන් සේ වෙස් වලාගෙන මහියංගන පබහින්න ප්‍රදේශයට ගොස් සැකකරුවන් දෙදෙනා එම අසිපතක් සමඟ අත්අඩංගුවට ගත් බව පොලිසිය සඳහන් කළා.
එම අසිපත සම්බන්ධයෙන් පුරාවිද්‍යා දෙපාර්තමේන්තුවේ වාර්තාවක් කැඳවීමටද නියමිතයි.
අත්අඩංගුවට ගත් සැකකරුවන් දෙදෙනා වයස අවුරුදු 23 ක් වන බණ්ඩාරවෙල පදිංචිකරුවන්.
සැකකරුවන් අධිකරණයට ඉදිරිපත් කිරීම සඳහා එම නඩු භාණ්ඩ සමඟ සමනල වැව පොලිසිය වෙත භාරදී තිබෙනවා.
පානදුර වලාන මධ්‍යම දුෂණ මර්ධන ප්‍රහාරක ඒකකය පරීක්ෂණ පවත්වනවා.
2023 දෙසැම්‍බර් 07, ප.ව. 2:45
2023 ඔක්තෝබර් 17, පෙ.ව. 10:33
2023 ඔක්තෝබර් 08, ප.ව. 8:45
2023 සැප්තැම්බර් 18, ප.ව. 8:56
2023 සැප්තැම්බර් 17, ප.ව. 8:19