රුසියානු නගරයකදී ප්‍රාණ ඇපකරුවන් අල්ලාගත් ISIS ත්‍රස්තයින් මරුට​

2024 ජූනි 16, ප.ව. 5:45

---

---

රුසියාවේ දොන් නදීබඩ රස්තෝෆ් හි අධිකරණ කටයුතුවලට පෙර සැකකරුවන් රඳවා තබන මධ්‍යස්ථානයක ත්‍රස්ත සැකකරුවන් සය දෙනෙක් අද උදෑසන එහි නිලධාරීන් දෙදෙනකු ප්‍රාණ ඇපයට ගත්තා.

මෙම සය දෙනාගෙන් තිදෙනෙක් මීට පෙර කරචේයි-චෙර්කේසියා හි ප්‍රහාරයක් සැලසුම් කරමින් සිටියදී අත්අඩංගුවට ගන්නා ලද අයයි. ඔවුන් තවත් තිදෙනකු හා එක්ව අද අලුයම සිය රැඳවුම් කුටිවල යකඩ කූරු කපාගෙන පිටතට පැමිණ මෙම ක්‍රියාව සිදුකර තිබුණා.

ඔවුන් වාහනයක්, ආයුධ සහ රටින් පිටවීමට අවසර ඉල්ලා සිටියා. බලධාරීන් ඔවුන් සමග පැය හතරක් පමණ සාකච්ඡා කරමින් සිටි අතර ඒ අතරවාරයේ ප්‍රාණ ඇපකරුවන් බේරාගැනීමේ මෙහෙයුමක් ද සූදානම් වෙමින් පැවතුණා.

අවසානයේදී රුසියාවේ විශේෂ කඩිනම් ප්‍රතිචාර ඒකකය (SOBR) විසින් කරන ලද කඩිනම් ප්‍රහාරයකින් සැකකරුවන් සයදෙනාම ඝාතනය වුණා. ප්‍රාණ ඇපකරුවන් දෙදෙනා බේරාගනු ලැබුණා.

---