ඇමරිකානු ගුවන් යානා මැදපෙරදිගට​

2024 අගෝස්‍තු 07, පෙ.ව. 11:00

---

---

ඇමරිකානු නාවික හමුදාවේ F/A-18 හෝර්නට් ගුවන් යානා 12 ක් පමණ මැදපෙරදිග කලාපයේ ඇමරිකන් කඳවුරක් වෙත යවා ඇතැයි ඇසෝසියේටඩ් පුවත් සේවය ප්‍රකාශ කරනවා.

මෙම යානා තියඩෝර් රූසවෙල්ට් ගුවන් යානා ගෙනයන නෞකාවේ සිට එම කඳවුර වෙත යවා තිබෙනවා. තියඩෝර් රූසවෙල්ට් නෞකා කණ්ඩායම දැනට ඕමාන බොක්කෙහි යාත්‍රා කරමින් සිටින බවයි පැවසෙන්නේ.

මේ අතර ඇලස්කාවෙහි රඳවා තිබෙන F-22 යානා සමූහයක් මැදපෙරදිග වෙත එවන බවත් එය පැමිණි පසු F/A-18 යානා ඉවත් කෙරෙනු ඇතිදැයි පැහැදිලි නැති බවත් එම පුවත් වාර්තාවෙන් වැඩිදුරටත් පෙන්වා දුන්නා.

පසුගියදා ඉරාකයේ අයින් අල් අසාද් ගුවන් කඳවුරට එල්ල වූ මිසයිල ප්‍රහාරයකින් ඇමරිකන් සෙබළුන් පස්දෙනකු තුවාල ලැබුවා. මේ අතර ඉරානය සහ එහි මිතුරන් සමග ඊශ්‍රායලය අතර ගැටුමක් ඇතිවන අවදානම යටතේ ඇමරිකන් යුධ ශක්තිය වැඩිදියුණු කෙරෙන බව පෙනී යනවා.

---