අවශ්‍ය ඕනෑම අවස්ථාවක ශ්‍රී ලංකාවට සහය දෙන්න චීනය සූදානම්

2026 අප්‍රේල් 14, පෙ.ව. 12:12

---

---

අවශ්‍ය ඕනෑම අවස්ථාවකදී ශ්‍රී ලංකාවට උපකාර කිරීමට චීනය නිරන්තරයෙන් බලාපොරොත්තු වන බව ශ්‍රී ලංකාවේ චීන තානාපති ෂී ෂෙන්ග්හොන්ග් සඳහන් කරයි.

අකුරණ බානාගල චීන භාෂා මධ්‍යස්ථානය විවෘත කිරීමට එක්වෙමින් චීන තානාපතිවරයා සඳහන් කළේ,

“ඔබ හැමෝම දන්නවා චීනය සහ ශ්‍රී ලංකාව වසර 2000ක පටන් සමීප සබඳතා පවත්වන කල්‍යාණ මිත්‍ර රටවල් දෙකක්. ලාංකිකයින් මුහුණ දෙන ඕනෑම දුෂ්කරතාවයකදී චීනය මුලින්ම ඉදිරිපත් වෙලා ඒ තත්ත්වයෙන් ගොඩ එන්න උදවු කරනවා.

වත්මන් යුදමය තත්ත්වයත් එක්ක ලාංකිකයින්ට ඉන්ධන හිඟයක් ඇතිවුණත් විශ්වාසයි චීනය තමයි මුලින්ම ඉන්ධන විශාල ප්‍රමාණයක් පරිත්‍යාග කරන්න ඉදිරිපත් වුණ රට. දිට්වා කුණාටු සමයේදීත් විනාශ වූ පාලම් වැනි දෑ ඉදිකිරීම් සිදුකරලා චීනය සහයෝගය ලබාදුන්නා.

ඒ වගේම චීනය බලාපොරොත්තු වෙනවා ලාංකිකයින්ට නිරන්තරයෙන් උදව් උපකාර කරන්න.”

---