15 වෙනිදායි අවසන් මේ දේ ගැන ඔබ දැනුවත්ද?

2024 මාර්තු 11, පෙ.ව. 12:10

---

---

ලබන 15 වෙනිදායින් අස්වැසුම සුබසාධන ප්‍රතිලාභ වැඩසටහනේ දෙවැනි අදියර සඳහා අයදුම්පත් කැඳවීම අවසන් වෙනවා.

ඒ බව මුදල් රාජ්‍ය අමාත්‍ය ෂෙහාන් සේමසිංහ මහතා සඳහන් කළා.

ඒ සඳහා මෙතෙක් අයදුම්පත් ඉදිරිපත් කර නොමැති පුද්ගලයන්ට මාර්ගගත ක්‍රමයට හෝ ප්‍රාදේශීය ලේකම් කාර්යාල මගින් අයදුම්පත් යොමු කිරීමේ හැකියාව පවති.

දෙවැනි අදියර යටතේ තෝරා ගන්නා ප්‍රතිලාභීන් වෙත ජූලි මාසයේ සිට අදාළ ගෙවීම් සිදු කිරීමට නියමිත බව සඳහන් වෙනවා.

මේ වනවිට අස්වැසුම ප්‍රතිලාභ හිමි කර ගන්නා මිලියන 2කට ආසන්න පුද්ගලයින් සංඛ්‍යාව දෙවැනි අදියරේදී මිලියන 2.4 දක්වා ඉහළ නැංවීමට අපේක්ෂා කෙරෙයි.

කෙසේ වෙතත්, ඒ සඳහා මෙවර අයවැය මගින් රුපියල් බිලියන 205ක මුදලක් වෙන් කර තිබෙනවා.

---