CCD මහත්වරු සෙව්වන්දිට කේක් කවද්දි DIG කඩාපනී – CCDයේ රෙදි ගැළවූ සම්පූර්ණ සිද්ධිය මෙන්න

2026 මාර්තු 30, ප.ව. 1:58

---

---

කොළඹ අපරාධ කොට්ඨාශ භාරයේ සිටින ඉෂාරා සෙව්වන්දි වෙනුවෙන් එම පරිශ්‍රය තුල උපන්දින සාදයක් පවත්වා ඇති බවට වාර්තා වීමෙන් පසු පොලිසිය අභ්‍යන්තර පරීක්ෂණයක් ආරම්භ කර ඇති අතර, ජ්‍යෙෂ්ඨ නිලධාරියෙකුට එරෙහිව දැනටමත් විනය ක්‍රියාමාර්ග ගෙන ඇති බව පොලිස් මාධ්‍ය ප්‍රකාශක F.U. වූට්ලර් මහතා පැවසීය.

මාධ්‍ය හමුවක් අමතමින් වූට්ලර් මහතා තහවුරු කළේ, ඉෂාරා සෙව්වන්දි පොලිසිය විසින් රඳවාගෙන ප්‍රශ්න කරන අතරතුර ඇය වෙනුවෙන් උපන්දින සැමරුමක් සංවිධානය කර තිබූ බවට තොරතුරු අනාවරණය වී ඇති බවයි.

25 හැවිරිදි සෙව්වන්දි, 2025 පෙබරවාරි මාසයේදී සංජීව කුමාර සමරරත්න හෙවත් ‘ගනේමුල්ල සංජීව’ ඝාතනයට ආධාර කිරීම සහ අනුබල දීම සම්බන්ධයෙන් ප්‍රධාන සැකකාරියක් ලෙස හඳුනාගෙන ඇත.

ශ්‍රී ලංකා පොලිසිය නේපාල ආරක්ෂක බලධාරීන් සමඟ සහයෝගයෙන් සිදු කළ ඒකාබද්ධ මෙහෙයුමකදී ඇය නේපාලයේදී අත්අඩංගුවට ගන්නා ලදී.

සිද්ධිය පිළිබඳ වාර්තා ලැබීමෙන් පසු, කොළඹ ප්‍රදේශය භාර නියෝජ්‍ය පොලිස්පතිවරයා (DIG) මේ සම්බන්ධයෙන් විමර්ශනය කිරීම සඳහා අදාළ අපරාධ විමර්ශන අංශයට පෞද්ගලිකව පැමිණ ඇති බව වූට්ලර් මහතා පැවසීය.

ජ්‍යෙෂ්ඨ පොලිස් අධිකාරීවරුන්ගේ අධීක්ෂණය යටතේ විධිමත් පරීක්ෂණයක් ද ආරම්භ කර ඇත.

සෙව්වන්දිගේ සහෝදරයා CCD පරිශ්‍රය තුලට වෙත උපන්දින කේක් එකක් ගෙනැවිත් ඇති බවත්, නියෝජ්‍ය පොලිස්පතිවරයාගේ පැමිණීම සිදුව ඇත්තේ කේක් කැපීම සහ සැමරුම සිදුවන අතරතුරදී බව වාර්තා වේ.

අදාළ ස්ථානාධිපතිවරයාට එරෙහිව දැඩි විනය ක්‍රියාමාර්ග ගෙන ඇති බව වූට්ලර් මහතා තවදුරටත් සඳහන් කළේය.

---