2026 ජූලි 13, පෙ.ව. 12:07
පවතින මිලට මෙම යල කන්නයේදී වී මිලදී ගනු ලැබූව ද මහ කන්නයේදී රජය මිලදී ගන්නා වී කිලෝවක් වෙනුවෙන් පවතින මිලට වඩා වැඩි සහතික මිලක් ගොවියාට ලබාදීමට අනිවාර්යයෙන්ම පියවර ගන්නා බව කෘෂිකර්ම නියෝජ්ය ඇමැති, නාමල් කරුණාරත්න මහතා පැවසීය.
රජය මෙම කන්නය සඳහා වී මිලදී ගැනීමේදී ගොවියාට වඩා සාධාරණ මිල ගණන් ඉදිරිපත් කර ඇති බවත්, ඒ අනුව මින් පෙර රුපියල් 90ට වේළපු වී කිලෝව විකුණූ ගොවියාට රුපියල් 120-130ත් අතර මිලක් ලබාදීමට වත්මන් රජය ක්රියාකරන බවත් නියෝජ්ය ඇමැතිවරයා සඳහන් කළේය.
මෙම කන්නයේ වී මිලදී ගැනීම වෙනුවෙන් රජය සාධාරණ නොවන මිලක් නියම කර ඇති බවට ගොවියා නඟන චෝදනාව සාධාරණ නොවන බවද කියා සිටි නියෝජ්ය ඇමැතිවරයා මැදපෙරදිග පවතින යුදමය වාතාවරණය හමුවේ ලොවම පීඩාවට පත්ව සිටියදී මෙරට ගොවියා වෙනුවෙන් රජය විශාල මැදිහත්වීමක් සිදුකර සහන රැසක් ලබාදීමට ක්රියාකළ බවද පැවසීය.
ඒ අතර, ගොවියාට ලබාදුන් පොහොර සහනාධාරය දෙගුණ කිරීම මෙන්ම, රජය විශාල පාඩුවක් දරමින් සහන මිලගණන් යටතේ පොහොර අලෙවි කිරීම ද සිදුකරමින් පසුවන බවද කියා සිටි කෘෂිකර්ම නියෝජ්ය ඇමැති නාමල් කරුණාරත්න මහතා මෙවර අස්වනු නෙළීමේ දී පිරිවැය වැඩි වී ඇති බව තමන් පිළිගන්නා බවත්, ඊට සාපේක්ෂව ගොවියාට සහන ලබාදී ඇති බවත්, එබැවින් වී සඳහා නිකුත් කර ඇති සහතික මිල අසාධාරණ නොවන බවත් ඔහු කීය.
මෙවර වී අස්වනු ද වැඩි වී ඇති බැවින් පසුගිය රජයන් මෙන් වී මිලදී ගැනීමෙන් වැළකී නොසිට එම වී මිලදී ගැනීම සඳහා වත්මන් රජය කටයුතු කරන බවද වැඩිදුරටත් කරුණාරත්න ඇමැතිවරයා සඳහන් කර සිටියේය.
2026 ජූලි 13, පෙ.ව. 12:27
2026 ජූලි 13, පෙ.ව. 12:21
2026 ජූලි 13, පෙ.ව. 12:15
2026 ජූලි 13, පෙ.ව. 12:11
2026 ජූලි 13, පෙ.ව. 12:10
13-07-26
13-07-26
13-07-26
13-07-26
12-07-26
12-07-26
12-07-26
12-07-26
12-07-26
12-07-26
12-07-26
12-07-26
11-07-26
11-07-26
11-07-26
11-07-26
11-07-26
11-07-26
11-07-26
11-07-26
11-07-26
11-07-26
10-07-26
10-07-26