QR ක්‍රමවේදය සහ ඉන්ධන ලබාදීමේ සීමාවන් සම්බන්ධයෙන් දිවයිනටම සතුටු හිතෙන ආරංචියක්

2026 අගෝස්‍තු 10, පෙ.ව. 9:55

---

---

ඛනිජ තෙල් නීතිගත සංස්ථාවේ අලාභය පියවා ගැනීමට පනවා තිබූ රුපියල් 50ක බද්ද ඉවත් කිරීම ඔස්සේ ජනතාවට සහනයක් ලබා දීමට රජයට හැකියාව පවතින බව ඛනිජ තෙල් බෙදුම්කරුවන්ගේ සංගමය පවසන බව වාර්තා වේ.

ඒ අනුව එම අලාභය මේ වන විට පියවා අවසන් බැවින් එම බද්ද තවදුරටත් පවත්වාගෙන යාම අනවශ්‍ය බව කොළඹදී පැවති ප්‍රවෘත්ති සාකච්ඡාවකට එක්වෙමින් එම සංගමයේ නියෝජිතයින් පෙන්වා දුන් බව සඳහන්.

එසේම දැනට ක්‍රියාත්මක QR ක්‍රමවේදය සහ ඉන්ධන ලබාදීමේ සීමාවන් මහජනතාවට පීඩාවක් වන බැවින් ඒවා ද ඉවත් කළ යුතු බව ඔවුන් අවධාරණය කර ඇති බව සඳහන්.

ඊට අමතරව, ඉන්ධන සඳහා පනවා ඇති 18%ක අගය එකතු කළ බද්ද සහ බෙදුම්කරුවන්ගේ කොමිස් මුදල 3% සිට 1.6% දක්වා අඩු කිරීම හේතුවෙන් තමන් දැඩි ආර්ථික දුෂ්කරතාවලට මුහුණ දී සිටින බව ද ඔවුන් පෙන්වා දෙයි.

එසේම මෙරටට අලුතින් පැමිණි සයිනොපෙක්, අයි.ඕ.සී සහ ආර්.එම් පාර්ක්ස් වැනි සමාගම් ද විවිධ ගැටලුවලට මුහුණ දී සිටින බවත්, මේ සම්බන්ධයෙන් බලධාරීන්ගේ කඩිනම් අවධානය යොමු විය යුතු බවත් ඛනිජ තෙල් බෙදුම්කරුවන්ගේ සංගමය වැඩිදුරටත් සඳහන් කරන බව වාර්තා වේ.

---