වැඩබලන්න අමාත්‍යවරු පස් දෙනෙක්

2023 සැප්‍තැම්‍බර් 27, ප.ව. 3:24

ජනාධිපතිවරයා යටතේ පවතින අමාත්‍යාංශවල වගකීම් ජනාධිපති රනිල් වික්‍රමසිංහ මහතා  දිවයිනෙන් බැහැරව සිටින කාල සීමාවේ රාජ්‍ය අමාත්‍යවරුන්ට පවරා තිබෙනවා.

ඒ අනුව රාජ්‍ය අමාත්‍ය ප්‍රමිත බණ්ඩාර තෙන්නකෝන් මහතා වැඩබලන ආරක්ෂක අමාත්‍යවරයා ලෙසත්, රාජ්‍ය අමාත්‍ය ෂෙහාන් සේමසිංහ මහතා වැඩබලන මුදල් අමාත්‍යවරයා ලෙසත්, රාජ්‍ය අමාත්‍ය කනක හේරත් මහතා වැඩබලන තාක්ෂණ අමාත්‍යවරයා ලෙසත්, රාජ්‍ය අමාත්‍ය අනුප පස්කුවල් මහතා වැඩබලන කාන්තා, ළමා කටයුතු හා සමාජ සවිබල ගැන්වීම් අමාත්‍යවරයා ලෙසත්, රාජ්‍ය අමාත්‍ය රංජිත් සියඹලාපිටිය මහතා වැඩබලන ආයෝජන ප්‍රවර්ධන අමාත්‍යවරයා ලෙසත්  පත් කර ඇත. 

ජනාධිපති රනිල් වික්‍රමසිංහ මහතා ජර්මනියේ නිල සංචාරයක් සඳහා අද (27) අලුයම දිවයිනෙන් බැහැර ගියා.