පාසල්වල ජල කප්පාදුව නවතී! ජල සම්පාදන ලොක්කාට ඉහළින් නියෝගයක්

2022 ඔක්‍තෝබර් 20, ප.ව. 5:24

ජල බිල්පත් ගෙවීම සිදුකර නොමැති පාසල්වල ජල සැපයුම අත්හිටුවීම නැවතී ඇතැයි වාර්තා වනවා.

ඒ අධ්‍යාපන අමාත්‍ය සුසිල් ප්‍රේමජයන්ත මහතා ජල සම්පාදන මණ්ඩලයේ සභාපතිවරයා සමග පැවති සාකච්ඡාවක දී ලබා දුන් උපදෙස් අනුවයි.

ඒ අනුව ජල බිල්පත් ගෙවීම සිදු කර නොමැති පාසල්වල ජල සැපයුම අත්හිටුවීමට ගෙන ඇති තීරණය නතර කිරීමට පියවර ගෙන තිබෙනවා.

ඉදිරියේ දී බිල්පත් ගෙවීමට වැඩ පිළිවෙළක් සකසන බව ද අමාත්‍යවරයා මෙහි දී ප්‍රකාශ කර තිබෙනවා.

එතෙක් කිසි දු පාසලක ජල සැපයුම විසන්ධි නොකිරීමට අමාත්‍යවරයාගේ උපදෙස් මත ජල සමිපාදන මණ්ඩලය තීරණය කර තිබෙන බව අධ්‍යාපන අමාත්‍යාංශය සඳහන් කළා.