සජබ ආරාධනයට එජාපය බෑ කියයි

2026 අප්‍රේල් 29, පෙ.ව. 12:27

සමගි ජන බලවේගයේ මැයි දින සැමරීම සඳහා සිය පක්ෂය සමඟ එකතු වන ලෙසට එක්සත් ජාතික පක්ෂයට කළ ආරාධනයකට පිලිතුරු දෙමින් එම පක්ෂයේ මහලේකම් තලතා අතුකෝරල ලිපියක් නිකුත් කර ඇත.

මෙවර මැයි දිනය යෙදී ඇති පළමු වැනිදා පසළොස්වක පොහෝ දිනයක් බැවින් එදින දේශපාලන කටයුතුවල නොයෙදී ආගමික උත්සව සඳහා වෙන් කිරීමට එක්සත් ජාතික පක්ෂය කලින්ම තීරණය කළ බව ඇය සඳහන් කළාය.

එනිසා සමගි ජන බලවේගයේ හෝ වෙනත් පක්ෂයක හෝ මැයි දින රැලිවලට සහභාගී වීමට එක්සත් ජාතික පක්ෂයට අවකාශක් නොමැති බව ඇය සඳහන් කළාය.

සමගි ජන බලවේගය එකට එකතු වී වැඩකිරීම බොහෝ දෙනෙකුගේ අපේක්ෂාව බවත් අනාගත දේශපාලන කටයුතු වලදී එකට වැඩ කිරීමට එක්සත් ජාතික පක්ෂය සූදානම් බවද ඇය සඳහන් කළාය.