සුරාබදු දෙපාර්තමේන්තුව කප් ගහයි

2026 අප්‍රේල් 03, පෙ.ව. 12:04

---

---

පසුගිය වසර තුන තුළදී ශ්‍රී ලංකා සුරාබදු දෙපාර්තමේන්තුවේ ආදායම 60%කට අධික ප්‍රතිශතයක වර්ධනයක් වාර්තා කර ඇති බව සුරාබදු දෙපාර්තමේන්තුව සඳහන් කරයි.

එම ආදායම් වර්ධනයට ප්‍රධාන හේතුව මත්පැන් බෝතල්වල ආරක්ෂිත ස්ටිකර් ඇළවීමෙන් ප්‍රශස්ත ලෙස බදු ආදායම ලැබීම බවද සුරාබදු දෙපාර්තමේන්තුව සඳහන් කරයි.

මෙරට මත්පැන් නිෂ්පාදනාගාර වල නිපදවන සියලුම මත්පැන් බෝතල් වලින් නියමිත පරිදි බදු අයකිරීම මෙම ආරක්ෂිත ස්ටිකර ව්‍යාපෘතියේ අරමුණ වූ බවද එම දෙපාර්තමේන්තුව සඳහන් කරයි.

ඒ අනුව මෙරට නිෂ්පාදනය කරන සියලුම මත්පැන් බෝතල්වල ආරක්ෂිත ස්ටිකරය ඇළවීමේ ව්‍යාපෘතිය 2022 වසරේ ජනවාරි ආරම්භ කළ බවද එම දෙපාර්තමේන්තුව සඳහන් කරයි.

---