ජනාධිපතිගේ වියපත් මවට, අගමැතිනියට මඩ ගහනවා.. ඒකට ඉඩ දෙන්න බෑ.. සමාජ ජාලාවලට රතු එලි..

2026 ජූනි 11, පෙ.ව. 12:02

---

---

ජනාධිපතිවරයාගේ ආදරණීය මෑණියන් ඉලක්ක කරගනිමින් සමාජ මාධ්‍ය ඔස්සේ දියත් කර ඇති විවිධ අපහාසාත්මක ප්‍රචාරයන් සහ මඩ ප්‍රහාරයන් නියෝජ්‍ය අමාත්‍ය මහින්ද ජයසිංහ මහතා දැඩි ලෙස හෙළා දකියි.

සමාජ මාධ්‍ය ජාලාවන් තුළ වත්මන් ජනාධිපතිවරයාගේ පවුලේ සාමාජිකයන්ට, විශේෂයෙන්ම ඔහුගේ මෑණියන්ට එරෙහිව සිදුකෙරෙන මෙම පහත් පෙළේ විවේචන සම්බන්ධයෙන් පාර්ලිමේන්තුවේදී අදහස් දක්වමින් ඔහු කියා සිටියේ, මෙය ඉතාමත් අශිෂ්ට ක්‍රියාවක් බවයි.

දේශපාලන ප්‍රතිවාදීන් හෝ වෙනත් කණ්ඩායම් විසින් පෞද්ගලික මට්ටමින් සිදුකරන මෙවැනි අපහාසයන් ශිෂ්ට සම්පන්න දේශපාලන සංස්කෘතියකට නොගැලපෙන බවද ඔහු පෙන්වා දුන්නේය.

සමාජ මාධ්‍ය තුළ පවතින මෙම වෛරී සහගත ප්‍රකාශ  සහ ඒ හරහා නිර්මාණය කර ඇති දැඩි “උණුසුම්” තත්ත්වය පිළිබඳව අවධානය යොමු කළ නියෝජ්‍ය අමාත්‍යවරයා, ජනාධිපතිවරයාගේ මෑණියන්ට, අගමැතිතුමියට අපහාස කිරීම හරහා සමාජය තුළ වැරදි මතවාදයක් ඇති කිරීමට උත්සාහ ගන්නා බවට චෝදනා කළේය.

මෙවැනි ක්‍රියාවන් මගින් ජනතාව නොමග යැවීමට නොහැකි බවත්, පවුල්වල සාමාජිකයන් දේශපාලන පළිගැනීම් සඳහා ඈඳා ගැනීම පිළිකුල් සහගත බවත් ඔහු වැඩිදුරටත් අවධාරණය කර සිටියේය

---