“දන්තාලේපයක් ගැන කියන්නේ නැතුව කෙලින්ම සුදත්ත කිව්වා නම් ඉවරයිනේ” – සුදත්ත වීඩියෝවකින් ඇන්තනී පවුල යලි පතුරු ගහයි (VIDEO)

2023 ඔක්‍තෝබර් 14, පෙ.ව. 12:01

---

---

මේ වෙද්දි රටම සංවේදී කළ කාගෙත් මාතෘකාව බවට පත්වෙලා තියෙන්නෙ ප්‍රවීණ රංගන ශිල්පි ජැක්සන් ඇන්තනී කලාකරුවාගේ වියෝව.

කලක් තිස්සේ රෝගාතුරව සිටි ඔහු ආශිර්වාද තරමටම ලැබුණු විවේචන රැසක් මැදයි එලෙස අවසන් ගමන් ගියේ.

ඔහුගේ නික්ම යාම කලාවට යළි පිරවිය නොහැකි තරමේ විශාල හිඩැසක් බව නොරහසක්.

ජැක්සන් ඇන්තනී වෙනුවෙන් ශෝකය පළ කිරීමට පැමිණි අය වෙනුවෙන් ස්තුති කතාව සිදු කරනු ලැබුවේ ජැක්සන් ඇන්තනීගේ පුත්‍රයා වන සජිත අනුත්තර විසිනුයි.

මාස 14ක පමණ කාලයක් කොළඹ ජාතික රෝහලේ ප්‍රතිකාර ලබා අභාවප්‍රප්තවූ සිය පියාට ශ්වසන පහසුකම් ලබාදීම වෙනුවෙන් සවිකර තිබුණේ තම පවුල විසින් පෞද්ගලිකව පරිත්‍යාග කළ ආධාරක යන්ත්‍රක් බව ප්‍රවීන රංගධර ජැක්සන් ඇන්තනිගේ බාල පුතු සජිත අනුත්තර අනාවරණය කළා.

ජැක්සන් ඇන්තනි ජාතික රෝහලේදී ප්‍රතිකාර ලබමින් සිටි කාලයේදී, ඔහු සම්බන්ධයෙන් සමාජ මාධ්‍ය ඔස්සේ විවිධ පුද්ගලයන් එල්ල කළ චෝදනාවලට සජිත මෙලෙස පිළිතුරු ලබා දෙනු ලැබුවා.

“අර පොඩි දන්තාලේපයක වගේ නමක් තියෙන යූටියුබ් එකේ, නැරඹුම් වාර වැඩි කරගන්නට අප්පච්චිට සම ක්ෂේත්‍රයක මනුෂ්‍ය නොවන කෙනෙක් පොඩි උත්සාහයක් ගත්ත නමුත් අපි ඒක ගණන් ගත්තෙ නෑ.”

සජිත විසින් මෙලෙස චෝදනා කරනු ලැබුවේ Sudaa Creation යූටියුබ් නාලිකාවටයි.

එහි හිමිකරු සුදත්ත තිලකසිරි විසින් සජිත වෙත පිළිතුරු ලබා දෙමින් වීඩියෝවක් මුදා හැර තිබෙනවා.

එහිදී ඔහු සඳහන් කරන්නේ සජිතට කොන්ද පණ නැති බවත් ඒ නිසා කෙලින්ම තමාගේ නම නොකියූ බවයි.

එමෙන්ම තමන් ජැක්සන් ඇන්තනී බලන්න ගිය අවස්ථාවේදී ජැක්සන් කිසිම හැලහොල්මනක් නැතිව කට ඇරගෙන සිටි බවද සඳහන් කළා.

තමා ජැක්සන් ඇන්තනී දෙස ටික වෙලාවක් බලා සිට එතනින් පිට වුයේ තමන්ට බලාගෙන සිටින්න බැරි නිසා බවද කියා සිටියා.

---