රටටම තීරණාත්මක 28 වනදා

2024 පෙබරවාරි 25, පෙ.ව. 12:04

ශ්‍රී ලංකා මහජන උපයෝගිතා කොමිෂන් සභාව විදුලි ගාස්තු සංශෝධනය සම්බන්ධයෙන් ඉදිරිපත් ව ඇති යෝජනාවලිය පිළිබඳ සාකච්ඡා කිරීමට ලබන 28 වැනි දා රැස්වීමට නියමිත ව තිබෙනවා.

එහි දී විදුලි ගාස්තු සංශෝධනයට අදාළ යෝජනාවලිය සම්බන්ධයෙන් අවසන් තීරණයක් ගැනීමට නියමිත බවයි, කොමිසමේ ප්‍රකාශකයකු සඳහන් කළේ.

පසුගිය 22 වැනි දා විදුලි ගාස්තු අඩු කිරීමට අදාළ ලංකා විදුලි බල මණ්ඩලයේ යෝජනාවලිය උපයෝගිතා කොමිසම වෙත භාර දී තිබිණි.

විදුලි බල හා බලශක්ති අමාත්‍ය කංචන විජේසේකර මහතා පසුගිය දා පාර්ලිමේන්තුවේ දී ප්‍රකාශ කළේ ,පසුගිය වසරේ ඔක්තෝබර් මාසයේ වැඩි කළ විදුලි ගාස්තු මෙවර සංශෝධනයේ දී අඩු කිරීමට මෙමඟින් යෝජනා කර ඇති බවය.